1 THÂTIHZYRONA 17:21 - Mara Bible RV (BSI)

²¹ Na phopi Izarei hawhpa he alei chô liata khâpa phopi ma a y? Khazohpa ta ano phopi ta tao awpa ta, sie ta a kei chatlaipa phopi ahy ma a y? Izi râh tawhta na chatlaipa na phopi, ama hmiakô liata phopizy papuapa ta, na châta moh rônahpa nata noâhchhihpa hmozy châ awpa ta na taopa phopi hawhpa he ahy ma a y?

1 THÂTIHZYRONA 17:21 ပူးပေါင်းရင်းမြစ်များ

1 THÂTIHZYRONA 17:20

Hy Abeipa y, eima nah theipa liata, nâ hawhpa he ahy hmah y leipa ei ta, nâ leipa ta Khazoh hropa y veih ei.

1 THÂTIHZYRONA 17:22

Chatanachata na phopi Izarei cha, chhâzaw ta nâma phopi châ awpa ta tao chi ta, nâma tlai cha, Hy Abeipa y, ama Khazohpa na vaw châ haw.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 107:2

Cha kyh cha Abeipa chatlaipazy ta reih ei sala, Khakhaipa tawhta a chatlaipazy ta reih mawh ei sy!

HLAZY 111:9

A phopi hnohta chatlaina vaw tuah ta, Tlyzaw châta a biehrai a pie. A moh cha Pathaihpa nata Zachhihpa a châ.

HLAZY 147:20

Kheihawhpa phopi chô liata hmahta cha hawhta tao beih vei; Chavâta a ryhpazy pahno veih ei. Abeipa cha reithai teh u!

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ISAI 64:3

Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.

ZEREMIAH 32:21

Na phopi Izarei he, ngianazy nata hmonoâhpazy chhaota Izi râh tawhta a chhi papua chi ta, ku thatlôpa nata bâh pazawhpa ta, rarôh y ngaitapa ta a kaw chhi papuapa ta,

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 4:7

Eima padona maih miah a hnia tyhpa Abeipa eima Khazohpa hawhta a hnia tyhpa khazoh a hnei hrapa phopi rônahpa khei hawhpa ma a y?

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.