1 THÂTIHZYRONA 17:12 - Mara Bible RV (BSI)

¹² Ano ta o na sapa aw ta, kei ta a beidyuchhai chhâzaw ta ei pa-i aw.

1 THÂTIHZYRONA 17:12 ပူးပေါင်းရင်းမြစ်များ

1 ABEIZY 5:5

Abeipa ta ei paw Dâvi hnohta, ‘Na sawchapawpa, nâma châ thla awpa ta na beidyuchhai liata ei patyusapa ta ei moh châta o cha a sa aw,’ tahpa ta a vaw rei hapa hawhta, tahmâ Abeipa ei Khazohpa moh châta o sa awpa ei chhuah.

1 ABEIZY 8:19

Châhrasala nâma ta o cha sa aw va chi. Sawchapawpa na sa awpa ta ei moh châta o cha a sa aw,’ tah ha ta.

1 THÂTIHZYRONA 17:11

Na nohzy a kipa ta, châ pathlatuhpazy hnohta na sie tita, châ thla awpa ta, na chipathla, na sawchapawzy hry tawhta pakha padua aw na ta, a khinarâh ei pa-i aw.

1 THÂTIHZYRONA 17:13

A paw châ aw na ta, ei sawchapawpa a châ aw. Nâma hlâta a bei tuapa tawhta ei zawngiahna ei la hapa hawhna khata, ano tawhta ei zawngiahna la aw va na.

EZRÂ 5:11

Hetana heta miah amâ chhy: ‘Avâ nata alei Kha­zohpa chakaotuhpazy châ pi ta, kô hluhpi a sie hapa liata paduapa, Izarei bei rônahpa ta sa ta, a vaw paloh hapa o eima sa pathi.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 89:29

A chipathla tlyzaw ta padua aw na ta, Avâ y chhôh zydua a beidyuchhai â duah lymâ aw.

HLAZY 89:4

‘Na chipathla cha tlyzaw châta pa-i aw na ta, Na beidyuchhai chhao chhâ zydua châta ei padua aw,’” na tah. Selah

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.