1 THÂTIHZYRONA 17:1 - Mara Bible RV (BSI)

¹ Dâvi cha a o liata a pahrâ tawhta, hrohsopa Nâthâ hnohta, “Moh tua, kei sidy tho o liata y na ta, Abeipa Bieh­rai Byh hmâchhâh poh o ry liata a y thlâh haw,” tah ta.

1 THÂTIHZYRONA 17:1 ပူးပေါင်းရင်းမြစ်များ

2 SAMUELA 12:1

Abeipa ta Dâvi lâ Nâthâ tuah ta. Nâthâ cha Dâvi lâ vawh ta, a hnohta, “Khih miakha liata chyhsa pano y ei ta, pakha cha chyhsa hneirôhpa cha ta, pakha deikua cha sipasapa a châ.

2 SAMUELA 12:25

Hrohsopa Nâthâ hnohta Abeipa bie vaw tlô ta, “Abeipa vâta a châ” tahpa ta, hrohsopa Nâthâ ta a moh Zedidiah a bi.

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

1 ABEIZY 1:23

Abei hnohta, “Hrohsopa Nâthâ â vy,” tahpa ta chho ei ta. Nâthâ cha abei hmiakô a kei tlô nahta, abei hmiakô liata a hmia alei lâ a khupa ta a bôh ta.

1 ABEIZY 1:44

Theihthaipa Zadô, hrohsopa Nâthâ, Zehôdâ sawchapawpa Benai, Khere mo nata Pele mozy cha abei ta Sawlawmaw hnohta pasiesa ta, abei alâ chô liata pakiasa ei ta,

1 ABEIZY 1:8

Theihthaipa Zadô, Zehôdâ sawchapawpa Benai, hrohsopa Nâthâ, Simei, Rei nata Dâvi pasaiphazy deikua cha Adôniza chhâh a châ leipa ei ta.

1 ABEIZY 8:17

Ei paw Dâvi khata Abeipa, Izarei Khazohpa moh châta o sa khona a palôh liata vaw hnei ta.

1 THÂTIHZYRONA 14:1

Tyre bei Hirâ ta Dâvi lâ chyhsa tuah ta, a o sa nawpa ta sidy thozy paphao ta. Lô zôthaipa nata tho zôthaipazy chhao tuah ta.

1 THÂTIHZYRONA 15:1

Dâvi ta Dâvi khihpi liata ano châta ozy sa ta. Khazohpa Byh y nawpa su a chhuanoh ta, poh o raipa ta.

1 THÂTIHZYRONA 16:1

Khazohpa Byh cha a ngiakhei ei ta, a so nawpa ta Dâvi ta a paraipa poh o chhôh liata soh ei ta, raopa hlânazy nata aryhna hlânazy Khazohpa hmiakô liata hlâ ei ta.

1 THÂTIHZYRONA 17:2

Nâthâ ta Dâvi hnohta, “Na palôh liata a ypa zydua tao mah y, Khazohpa na hnohta a y mâh tâh,” tah ta.

1 THÂTIHZYRONA 17:5

Izi râh tawhta Izarei ei kaw chhi papua noh tawhta tanoh taihta, o liata pahrâ leipa na ta, poh o miakha tawhta miakha lâ a pasie na ta, achhyna byureih miakha tawhta miakha lâ ei pasie lymâ.

1 THÂTIHZYRONA 22:6

Chatawhcha Dâvi ta a sawchapawpa Sawlawmaw cha aw ta, Abeipa, Izarei Khazohpa o sa awpa ta biepie ta.

1 THÂTIHZYRONA 22:7

Dâvi ta a sawchapawpa Sawlawmaw hnohta, “Ei sawchapawpa y, Abeipa ei Khazohpa moh châta o sa awpa ei palôh liata y ta.

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

1 THÂTIHZYRONA 29:29

Bei Dâvi hmotaopazy cha âthaona tawhta achhâna taihta hrohsopa Samuela châbu liata zy, hrohsopa Nâthâ châbu liata zy, hrohsopa Kâdâ châbu liata zy ropa a châ.

2 THÂTIHZYRONA 1:4

Khazohpa Byh deikua cha, Dâvi ta Kiriaziari tawhta khykhei ta, a so nawpa su â chhuanohpa, Zerusale liata poh o a raipa liata soh ta.

HLAZY 132:5

Abeipa châta su ei hmô hlâlei, Zakaw Thatlôpa pahrâ nawpa su ei hmô hlâlei cha,” A tahpa kha a thei thlâh ha mah y.

PUASAINA 26:1

“Pohraipa miahrawh ta a chô khupa achhyna byureih na sa awpa a châ. Pohraipa cha pala rih dipa pabaohpa nata pala nohpa, saihdôhpa nata saihlawpazy ta taopa châ aw ta, zôthaipazy ta zô pha ngaitapa ta ama taopa cherubi nothlahpazy pachohsa awpa a châ.

ZEREMIAH 22:15

Sidy tho ta nâ zaoh nâ tiahpa vâta, Abei via pachaipa hawhta ma nâ pachâ? Na paw kha niepa ta doh ta, Adona nata siana ta ryu a reih tyh. Cha cha ano châta phana a châ.

DÂNIAH 4:4

Kei, Nebukaneza cha ei o liata thadâhpa ta a pahâ na ta, ei abei o liata phasapa ta y thlâh ha na ta.

HÂKAI 1:4

“He o a rao khai ha nota, nâmo deikua nama o pha ngaitapazy liata nama pahrâpa cha a daihti a châ ma?

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

HMOTAOPAZY 7:46

Dâvi cha Khazohpa modypa ta y ta, Zakaw Khazohpa pahrâ nawpa su hnei awpa ta hiah ta.