1 THÂTIHZYRONA 16:40 - Mara Bible RV (BSI)

⁴⁰ Âmo cha Abeipa Ryhpa liata ropa, Abeipa ta Izarei sawzy bie a piepa zydua tao ta, my nata zâ ta raopa hlâna maisâh liata Abeipa lâ raopa hlâna a hlâ tyh awpazy ama châ.

1 THÂTIHZYRONA 16:40 ပူးပေါင်းရင်းမြစ်များ

2 SAMUELA 8:17

Ahitu sawchapawpa Zadô nata Abiathâ sawchapawpa Ahimele zy cha theihthaipazy châ ei ta, Seriah cha chârohtuhpa a châ.

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

2 THÂTIHZYRONA 2:4

Pachâ teh, Abeipa ei Khazohpa moh châta o sa awpa ei chhuah. Cha o cha Zehôvâh Khazohpa hmiakô liata ropahâhpa rao nawpa châta zy, viahchhâ chaluahpa so tyh nawpa châta zy, Izarei châta chhâzaw châta raopa Pahânoh, thla thiehpa nata Abeipa eima Khazohpa kyhchhi nohzy liata, my nata zâ ta raopa hlânazy hlâ nawpa châta a châ.

2 THÂTIHZYRONA 31:3

Abeipa ryhpa liata ropa hawhta, my nata zâ ta raopa hlânazy châta nata Pahânoh nata thla thiehpa nata kyhchhi raopazy liata raopa hlânazy châta abei ta ano sahrohzy thyu lymâ ta.

EZRÂ 3:3

Maisâh cha a y tyhna su liata padua ei ta, cha râhzy liata a pahrâpa phopizy ama chipa vâta, my nata zâlâ ta hlâpa, raopa hlânazy cha maisâh liata ama hlâ tyh.

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

THEIHTHAINA 9:17

Cha khai tawhta niepa hlâna cheih ta, cha tawhtapa cha pazah kha la ta, maisâh liata rao ta, cha cha mydi ta raopa hlâna hleikhô ta hlâ baichhipa a châ.

AMÔSÂ 4:4

“Bethel lâ a vy u la, Vaw molei teh u; Kilkal lâ a vy u la, Moleina vaw papôh teh u. Namâ theihnazy cha, My chareih ta vaw cheih u la; Nama su hrawh su khazy cha, Noh thôhna noh ta vaw cheih teh u.