1 THÂTIHZYRONA 16:4 - Mara Bible RV (BSI)

⁴ Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

1 THÂTIHZYRONA 16:4 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 33:20

Cha liata maisâh padua ta, a moh El-Elôhe-Izarei a bi.

1 ABEIZY 8:15

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

1 THÂTIHZYRONA 15:16

Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 16:3

Izarei saw zydua cha a chanô chapaw ta, viahchhâ tlâ kha, sa tlo kha nata kre thei pachawhpa sao kha chyu rai ta.

1 THÂTIHZYRONA 16:5

Hyutuh chaipa cha Asâpha châ ta, a pazipazy cha Zekariah, Zeili, Semiramô, Zehie, Mâtithiah, Eliabâ, Benai, Ôbededô nata Zeili zy châ ei ta, âmo cha tlaipih nata totâ a tô thaipazy ama châ. Asâpha cha paotlâ tôtuhpa châ ta,

1 THÂTIHZYRONA 16:8

Abeipa lâ alyna bie hlâpa ta a moh pado u la, Phopizy hry liata a hmotaopazy pahnosa teh u!

1 THÂTIHZYRONA 24:3

Dâvi ta theihthaipazy cha ama maophaohna chyu hria awpa ta, a py py ta pachhaih ta, Eliaza pathla Zadô nata Ithamâ pathla Ahimele ta Dâvi cha ama bao.

1 THÂTIHZYRONA 25:1

Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

1 THÂTIHZYRONA 6:31

Hezy he Zerusale liata Byh â pahâ tawhta Abeipa o liata hla chhituhpazy châta Dâvi ta a raopa­zy ama châ.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

NEHEMIAH 12:24

Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

HLAZY 103:2

Hy ei thlahpa, Abeipa cha reithai la, A hmotao phapa zydua my khah y.

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 106:48

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Chyhsa zydua ta, “Amen!” tah mawh ei sy! Abeipa cha reithai teh u!

HLAZY 37:1

Hmoparaopazy vâta na pachâ chhie leipa sala, Hmo doleipa a taotuhpazy uahva khah y!

HLAZY 70:1

Hy Khazohpa, na pachha awpa ta a para la, Hy Abeipa, thlai na pachha mah y!

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.