1 THÂTIHZYRONA 16:3 - Mara Bible RV (BSI)

³ Izarei saw zydua cha a chanô chapaw ta, viahchhâ tlâ kha, sa tlo kha nata kre thei pachawhpa sao kha chyu rai ta.

1 THÂTIHZYRONA 16:3 ပူးပေါင်းရင်းမြစ်များ

1 ABEIZY 3:15

Sawlawmaw cha a vaw hra ta, a mâ vaw châ ta. Chatawhcha Zerusale lâ vawh ta, Abeipa Biehrai Byh hmiakô liata a duah ta, raopa hlânazy nata aryhna hlânazy hlâ ta, a chakaotuhpa zydua châta kyhchhi a taopa ei.

1 THÂTIHZYRONA 16:2

Dâvi ta raopa hlânazy nata aryhna hlânazy a hlâ khai nahta, Abeipa moh ta zawpizy cha byhnâ awpa ta.

1 THÂTIHZYRONA 16:4

Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

2 THÂTIHZYRONA 30:24

Zudâh bei Hezekia ta zawpi ahmaohpakhypazy châta viahchao tôhpa 1,000 nata mietaku 7,000 thyu ta, beimachâzy ta zawpi châta viahchao tôhpa 1,000 nata mietaku 10,000 thyu hra ei ta. Theihthaipa hluhpi a pathai ei ta.

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

HLAZY HLA 2:5

Kre chawhpa viahchhâ ta tha na patlô la, Epuh ta tha na pathyu mah y; Na vâ cha iapa ta ei pasa hih.

ISAI 16:7

Chavâta Môabâ cha Môabâ châta cha sala, Mo to ta cha mawh ei sy. Kiaherese kre chawhpa viahchhâzy châta, Mâchhiesapa ta y u la, Pachârôh ngaitapa ta y muh vy.

EZEKIA 45:17

Chatanachata kyhchhi liatazy, thla thiehpa liatazy, Pahânohzy liata nata Izarei pathlazy châta kyhchhi raopazy liata, Izarei pathlazy vyuhpa ta chatlaina tao awpa ta, raopa hlânazy, niepa hlânazy nata dopa hlânazy châta a ngiahpazy cha abei ta a pachâ tyh aw. Izarei pathlazy vyuhpa ta chatlaina tao awpa ta, moleina hlânazy, niepa hlânazy, raopa hlânazy nata aryhna hlânazy châta a ngiahpazy cha, abei ta a pachâ tyh aw.

HÔSIA 3:1

Abeipa ta ei hnohta,“Izarei sawzy ta khazoh hropazy lâ tlei ei ta, amâ theihna hmohlâpa kresawhti nata kre chawhpa viahchhâzy ama tlaichhai kawna chô chhao ta Abeipa ta ama kyh a pachâpa hawhta, nâ chhao na lapinô cha a khopaw liata a châ pheisai hapa chhaota, vawh la, na kyhpachâna va palâsa heih teh,” tah ta.

1 PITY 4:9

A pasô raihrie u la, paphôh khuh vy.