1 THÂTIHZYRONA 16:29 - Mara Bible RV (BSI)

²⁹ Abeipa cha a moh rônahna patosa u la, Hmohlâpa cheipa ta a hmiakô liata a vy teh u! Rônahna nata pathaihna ta Abeipa cha a chhy u la,

1 THÂTIHZYRONA 16:29 ပူးပေါင်းရင်းမြစ်များ

HLAZY 100:4

Alyna bie reina chôta chhikao liata a ngia u la, Reithaina chôta a dôhpachhôh tlyhmia liata a ngia teh u! Alyna bie hlâ u la, A moh reithai teh u.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

HLAZY 96:9

Rônahna nata pathaihna ta Abeipa cha a chhy u la, Leilô zydua saih u, a hmiakô liata a chalyu teh u!

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

HLAZY 95:2

Alyna bie reipa ta a hmiakô lâ vawh ei sih la, Reithaina hla sapa ta thaphapa ta ano lâ ao papua ei suh u!

HLAZY 29:2

Abeipa cha a moh rônahna patosa u la, Abeipa cha pathaihna nata angiana ta a chhy muh vy.

HLAZY 72:15

Abei cha hroh pareih sala, Sebâ ngôh piepa châ mawh sy! Ano châta khâ thlahchhâ ei sala, Noh y ta byhnâ awpa mawh ei sy!

BIEPHUAH 7:12

“Amen! Reithaina, rônahna, sona, alyna biereina, palyupalihna, hmotaotheina nata thatlôna zy cha chhâzaw nata tlyzaw ta eima Khazohpa hnohta y mawh sy! Amen,” tahpa ta Khazohpa a chhy ei ta.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

EZEKIA 24:25

“Nâ deikua cha, chyhsa sawchapawpa y, ama thatlôna, amâ lyna nata ama rônahna, ama mo lôhrâtlôna, ama hro ta a tlaichhaipa nata ama sawchapawzy nata ama sawchanôzy âmo tawhta ei lana noh liata,

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 50:2

Khazohpa cha Zaio tawhta vaw khaih ta, Khihpi ngia chaipa tawhta a vaw khaih.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

1 SAMUELA 6:5

Nama kheihluh nothlahpazy nata nama râh a paraotuhpa siahloh nothlahpa zy tao u la, Izarei Khazohpa cha palyupalih teh u. Cha hawhta nama tao khiahta cha, nâmo chô liata nata nama khazohzy nata nama râh chô liata a ku a pahua thei ngyu aw.

1 THÂTIHZYRONA 16:28

Phopizy liata chi to saih u, Abeipa cha reithai u la, Abeipa cha rônahna nata thatlôna patosa teh u!

1 THÂTIHZYRONA 16:30

Leilô zydua saih u, A hmiakô liata a chalyu teh u; Khizaw he â ipa ta paduapa châ ta, A chalyu beih aw vei.

HLAZY 29:1

Hy vâmozy saih u, Abeipa palyupalih u la; Abeipa cha rônahna nata thatlôna patosa muh vy.

HLAZY 96:7

Phopizy liata chi to saih u, Abeipa cha reithai u la, Abeipa cha rônahna nata thatlôna patosa teh u!

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.