1 THÂTIHZYRONA 16:14 - Mara Bible RV (BSI)

¹⁴ Ano cha Abeipa eima Khazohpa châ ta, A ryureina alei chô zydua liata a y.

1 THÂTIHZYRONA 16:14 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

1 THÂTIHZYRONA 16:12

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

1 THÂTIHZYRONA 16:13

Hy a chakaotuhpa Izarei pathla saih u, Hy â tlyhpa Zakaw sawzy saih u!

1 THÂTIHZYRONA 16:15

A biehrai chhâzaw ta a thei thlâh ha u la, A biepiepa chhâ sâh hluhpi taihta a thei thlâh ha teh u.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 63:1

Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

HLAZY 95:7

Ano cha eima Khazohpa châ ta, A sibiepa su liata a chyhsazy châ pi ta, A ku liata mietakuzy eima châ. Tanoh a ao nama thei khiahta cha,

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.