1 THÂTIHZYRONA 16:12 - Mara Bible RV (BSI)

¹² A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

1 THÂTIHZYRONA 16:12 ပူးပေါင်းရင်းမြစ်များ

1 THÂTIHZYRONA 16:13

Hy a chakaotuhpa Izarei pathla saih u, Hy â tlyhpa Zakaw sawzy saih u!

1 THÂTIHZYRONA 16:14

Ano cha Abeipa eima Khazohpa châ ta, A ryureina alei chô zydua liata a y.

HLAZY 103:2

Hy ei thlahpa, Abeipa cha reithai la, A hmotao phapa zydua my khah y.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

HLAZY 119:137

Hy Abeipa, nâ cha asiapa châ chi ta, Na ryhpazy chhao â do.

HLAZY 119:20

Na pachiana dopazy ngiabâhpa ta, Ei thlahpa ta khâ a cha vâ tyh.

HLAZY 119:75

Hy Abeipa, na pachianazy â do tahpa pahno na ta, Pasa eina pataosapa chhao chi he â dopa a châ.

HLAZY 19:9

Abeipa china cha pathaih ta, Chhâzaw châta â daih; Abeipa ryureina cha hmeiseih ta, A sia paki.

HLAZY 77:11

Abeipa hmotaopazy a thei thlâh ha aw na ta, A châ na, hlâno ta na hmonoâh taopazy ei thei thlâh ha aw.

HLAZY 78:43

Izi liata ngiana a taopazy a thei khao leipa ei ta, Zônâ lyuzy liata a hmonoâh taopazy a thei khao hra veih ei.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

BIEPHUAH 16:7

Chatawhcha Maisâh tawhta ao vaw pua ta, “A châ na, Hy Atotaotheipa Abeipa Khazoh, Na pachianazy cha a do ta a sia!” tahpa ta â chhypa thei na ta.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.