1 THÂTIHZYRONA 15:3 - Mara Bible RV (BSI)

³ Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

1 THÂTIHZYRONA 15:3 ပူးပေါင်းရင်းမြစ်များ

2 SAMUELA 6:12

“Kha­zohpa Byh vâta Ôbededô chhôhkha nata a hneipa zydua Abeipa ta byhnâ a pie,” tahpa ta Bei Dâvi cha chho ei ta. Chavâta Dâvi cha sie ta, Khazohpa Byh cha Ôbededô o tawhta Dâvi khihpi lâ a ly ngaitapa ta za phaoh ta.

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

1 ABEIZY 8:1

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua cha, Bei Sawlawmaw hmiakô liata a luah awpa ta Zerusale liata awpakhy ta.

1 THÂTIHZYRONA 13:2

Dâvi ta Izarei zawpi ahmaohpakhypa zydua hnohta, “Nâmo ta a pha tah u la, Abeipa eima Khazohpa ta pha a tah khiahta cha, Izarei râh zydua liata eima unawh a ypazy nata khihpizy nata si panyuna su a hneipa khichapeihzy liata a ypa theihthaipazy nata Livai mozy lâ chyhsa tuah sih la, keimo lâ a vaw hmaoh awpa ta kei pahruasa ei suh u.

1 THÂTIHZYRONA 13:5

Dâvi ta Izi chavah Sihô tawhta Lebôhamâ taihta a ypa Izarei saw zydua cha, Kiriaziari khihpi liata a ypa Khazohpa Byh cha kei la awpa ta awpakhy ta.

1 THÂTIHZYRONA 15:1

Dâvi ta Dâvi khihpi liata ano châta ozy sa ta. Khazohpa Byh y nawpa su a chhuanoh ta, poh o raipa ta.

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

1 THÂTIHZYRONA 16:1

Khazohpa Byh cha a ngiakhei ei ta, a so nawpa ta Dâvi ta a paraipa poh o chhôh liata soh ei ta, raopa hlânazy nata aryhna hlânazy Khazohpa hmiakô liata hlâ ei ta.

2 THÂTIHZYRONA 1:2

Sawlawmaw ta Izarei saw zydua, pheisaih sâh kha hyutuhpazy, pheisaih za kha hyutuhpazy, ryureihtuhpazy, Izarei râh zydua liata chhituhpa chhôh to pawhrâhpa zydua hnohta bie reih ta.

2 THÂTIHZYRONA 1:4

Khazohpa Byh deikua cha, Dâvi ta Kiriaziari tawhta khykhei ta, a so nawpa su â chhuanohpa, Zerusale liata poh o a raipa liata soh ta.

2 THÂTIHZYRONA 5:2

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua Zerusale liata awpakhy ta.

PUASAINA 40:20

Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.

THEIHTHAINA 9:5

Mawsi biepiepa hawhta, hmo hlâ awpazy cha ahmaohna poh o tlyhmia liata vaw cheih ei ta, zawpi zydua ta a kei hniapa ta, Abeipa hmiakô liata a duah ei ta.