1 THÂTIHZYRONA 15:23 - Mara Bible RV (BSI)

²³ Berekiah nata Elkânâ zy cha Byh châta chhikao vaituhpazy ama châ.

1 THÂTIHZYRONA 15:23 ပူးပေါင်းရင်းမြစ်များ

2 ABEIZY 22:4

“Theihthai beichaipa Hikia lâ khy la, ochhi vaituhpazy ta chyhsazy tawhta ama kheipa Abeipa o liata ama vaw sopa tâkâ reih sala,

2 ABEIZY 25:18

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.

2 ABEIZY 7:10

Vawh ei ta, khihpi ochhi vaituhpazy awsao ei ta, ama hnohta, “Aramia mo riehmo lâ vawh pi ta, cha liata ahy hmah vaw y leipa ei ta, chyhsa pyu rai y leipa ta, arâzy nata alâzy deita hraipa ta y ei ta, poh ozy cha a y ualuapa ta a vaw y thlâh haw,” tah ei ta.

1 THÂTIHZYRONA 15:22

Khenaniah cha pyungiapa a thaipa châ ta, pyungiapa kyh liata Livai pathla chhituhpa a châ. Ano ta pyungiapa chakaona rai a chhihtha lymâ.

1 THÂTIHZYRONA 15:24

Theihthaipa sahlao, Sebaniah, Zehôsaphâ, Nethane, Amasai, Zekariah, Benai nata Elieze zy cha Kha­zohpa Byh hmiakô liata chiahmie tôtuhpazy ama châ. Obededô nata Zehiah cha Byh châta chhikao vaituhpazy ama châ.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

1 SAMUELA 3:15

Samuela cha my taihta a zia ta, chatawhcha Abeipa o ochhizy cha pahy ta. Samuela ta aluahna a hmôpa cha Eli pahnosa awpa chi kaw ta.