1 THÂTIHZYRONA 15:16 - Mara Bible RV (BSI)

¹⁶ Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 15:16 ပူးပေါင်းရင်းမြစ်များ

1 THÂTIHZYRONA 13:8

Dâvi nata Izarei saw zydua cha hlasapa ta, totâzy, tlaipihzy, khoh chyhpazy, paotlâzy, chiahmiezy tôpa ta Khazohpa hmiakô liata ama theina zydua papuapa ta palyupalihna tao ei ta.

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

1 THÂTIHZYRONA 16:42

Hemâ nata Zeduthu cha pyungiapa châta chiahmiezy nata paotlâzy hnei ei ta, Khazohpa hla sa nawpa ta chhaichhizy ama hnei. Chhikao vaituhpazy châta Zeduthu sawchapawzy rao­pa ama châ.

1 THÂTIHZYRONA 16:5

Hyutuh chaipa cha Asâpha châ ta, a pazipazy cha Zekariah, Zeili, Semiramô, Zehie, Mâtithiah, Eliabâ, Benai, Ôbededô nata Zeili zy châ ei ta, âmo cha tlaipih nata totâ a tô thaipazy ama châ. Asâpha cha paotlâ tôtuhpa châ ta,

1 THÂTIHZYRONA 23:5

4,000 chhikao vaituhpazy châ aw ei ta, 4,000 zy cha reithaina hla sa nawpa ta pyungiapa chhaichhi ei taopazy hmâpa ta Abeipa lâta reithaina hla satuhpazy ama châ aw,” tah ta.

1 THÂTIHZYRONA 6:16

Livai sawchapawzy cha Kesao, Kôhâ nata Merâri zy ama châ.

2 THÂTIHZYRONA 20:19

Livai chi Kôhâ nata Kôrâ pathlazy a vaw duah ei ta, ao paro ngaitapa ta Abeipa, Izarei Khazohpa reithai ei ta.

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

2 THÂTIHZYRONA 5:12

Livai pathla hlasatuhpa zydua, Asâpha, Hemâ, Zeduthu nata ama sawchapawzy nata ama chiheihzy cha lini poh rih dipa ta a tobipa ta, paotlâzy, tlaipihzy, totâzy chhaota maisâh nochhi lâchhâh liata a duah ei ta. Chiahmie tôtuhpa theihthaipa 120 chhao ama hnohta a duah hra ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

NEHEMIAH 12:36

Zekaria heinawhzy chhao sie hra ei ta, chazy cha Semiah, Azare, Milâlai, Kilâlai, Mâai, Nethane, Zudâh nata Hânani zy ama châ. Khazohpa chyhsa Dâvi tô tyhpa pyungiapa chhaichhizy chhaota sie ei ta, chârohtuhpa Ezrâ ta hmia â sah.

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

NEHEMIAH 12:46

Hlâno Dâvi nata Asâpha daihti no tawhta, hlasathaipa py chhituhpazy vaw y ha ei ta, Khazohpa lâta alyna bie reina nata reithaina hla sanazy liata ama vaw chhihtha tyh.

HLAZY 100:1

Leilô zydua saih u, Abeipa lâ thaphapa ta awh teh u!

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 150:5

Paotlâ reih pakyhpa ta ano cha reithai u la, Paotlâ reih chhiehpa ta ano cha reithai teh u!

HLAZY 81:1

Eima thatlôna Khazohpa lâ ao paropa ta hla sa u la, Zakaw Khazohpa lâ a lypa ta awh teh u!

HLAZY 81:3

Thla thiehpa liata chiahmie tô u la, Thlâpâ pôlô no nata eima kyhchhi noh liata chhao tô teh u.

HLAZY 87:7

Hlasathaipazy nata lâhthaipazy ta â lyupa ta, “Ei byhnâ hnawh zydua Zaio liata a y,” ama tah aw.

HLAZY 95:1

A vy u la, Abeipa lâ hla sa ei sih la, Eima pachhana lôpanô lâ thaphapa ta awh ei suh u!

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

AMÔSÂ 6:5

Totâ patlapa ta thathina hlazy sa ei ta, Dâvi hawhta pyungiapa tô thaipa ta â pachâpazy;

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

TITU 1:5

Hmo pasia khai leipazy pasia awpa nata bie ei cha piepa hawhta khi to liata Awnanopa chhituhpazy rao awpa ta, Krite liahpahlô liata ei cha siesaipa kha a châ.