1 THÂTIHZYRONA 13:6 - Mara Bible RV (BSI)

⁶ Chatanachata Dâvi nata Izarei saw zydua cha, cherubizy luh chô beidyuchhai liata a tyuhpa Abeipa moh ta awpa Khazohpa Byh cha la awpa ta, Kiriaziari ama tahpa Zudâh râh liata Bâlâh khihpi lâ khy ei ta.

1 THÂTIHZYRONA 13:6 ပူးပေါင်းရင်းမြစ်များ

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

MALUHREINA 6:27

“Cha hawhna chata Izarei sawzy chô liata ei moh paysa aw ei ta, kei ta âmo cha byhnâ ei pie aw ei,” tah ta.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

ZAWSUA 15:60

Kiriaziari ama tah hrapa Kiriabâlâ nata Râbâ, khihpi miano nata ama khichapeihzy cha, Tlâh râh liata Zudâh khihpizy ama châ.

ZAWSUA 15:9

Tlâh laki tawhta râhri cha Nephatô chavah hnawh lâta sie ta, Epharaw tlâh khihpizy liata pua ta, Bâlâh lâta chô ta. Bâlâh cha Kiriazeri a châ.

ZAWSUA 9:17

Izarei sawzy cha sie lymâ ei ta, noh thôhna noh ta Kibiô mo khihpizy kei tlô ei ta. Ama khihpizy cha Kibiô, Kephirâh, Berô nata Kiriaziari zy a châ.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.

1 SAMUELA 6:21

Kiriaziari khihpi lâ chyhsa tuah ei ta, ama hnohta, “Abeipa Byh kha Philistinâ mo ta ama vaw soh pakhua haw. A zu u la, nâmo paso awpa ta za la teh u,” tah ei ta.