1 THÂTIHZYRONA 12:8 - Mara Bible RV (BSI)

⁸ Kâdâ chi liata pasaipha thatlôpa nata chariah a dyuh thaipazy ta râhchawhpa thokhy liata a ypa Dâvi lâ amâ kei bai hra. Âmo cha vyhphao nata asei a hmâh thaipa châ ei ta, chakeibarôhneipa hmia phaoh ei ta, tlâh sakhihzy hawhta a chatliepa ama châ.

1 THÂTIHZYRONA 12:8 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 11:16

Cha nota Dâvi cha thokhy chhôh liata y ta, Philistinâ pheisaihzy cha Bethlehe liata y ei ta.

1 THÂTIHZYRONA 11:22

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 12:16

Benzami nata Zudâh chizy hry tawhta chyhsa thokha ta thokhy liata Dâvi lâ vawh ei ta.

1 THÂTIHZYRONA 12:7

Kedaw chyhsa Zerôhâ sawchapawpa Zôelâ nata Zebadiah zy ama châ.

1 THÂTIHZYRONA 12:9

Ama hyutuhpa cha Eze châ ta, panona Ôbadia, pathôhna Eliabâ,

2 THÂTIHZYRONA 25:5

Amazia ta Zudâh zawpizy awpakhy ta, Zudâh nata Benzami mo zydua cha ama pho zipa ta, pheisaih sâh kha hyutuhpazy ry liata nata za kha hyutuhpazy ry liata soh ta. Kô kih tawhta chô lâ maluh reih ta, asei nata vyhphao a hmâh theipa, chariah a dyuh thei awpa ta atlyhpa zydua cha 300,000 ama châ.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

BIESOZY 6:5

Sakathaipa tawhta sakhi â bohpa hawhta, Nâmasasyh ta a pachha la; Khoheih chôtuhpa ku tawhta pavaw â bohpa hawhta, Nâmasasyh ta a pachha mah y.

HLAZY HLA 8:14

Hy ei lôhdupaw, a para teh, Sakhih hawhta châ la; Ropahâhpa tlâhpizy liata, Zuneih tôh lochopa lyu mah y.

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

1 SAMUELA 23:14

Dâvi cha Ziphi râhchawhpa tlâh râh liata thokhy ta dôhpa khihpizy liata y ta. Sawla ta ano cha noh chareih ta tlua ta, châhrasala Khazohpa ta Dâvi cha a ku liata pie leipa ta.

1 SAMUELA 23:29

Cha su tawhta Dâvi cha khy ta, Enkedi thokhy khihpi liata pahrâ ta.

1 SAMUELA 24:22

Dâvi ta Sawla cha bie a taih ta. Chatawhcha Sawla cha o lâ sie ta, Dâvi nata a chyhsazy deikua cha thokhy lâ khy ha ei ta.