1 THÂTIHZYRONA 12:19 - Mara Bible RV (BSI)

¹⁹ Sawla a dyuh awpa ta Philistinâ mo hnohta Dâvi a sie hra nota, Manase chi tawhta pheisaih thokhazy Dâvi lâ a vaw râ ei ta. Châhrasala Dâvi ta Philistinâ mo cha bao khao vei. Philistinâ ryureituhpazy ta reihpahmaoh ei ta, “A zibeipa Sawla chhâh a châpa ta, keimo luh tlao miah a la pathlei aw na,” tah ei ta, Dâvi cha ama pakuasa haw.

1 THÂTIHZYRONA 12:19 ပူးပေါင်းရင်းမြစ်များ

ÂTHAONA 43:23

Ano ta, “Thlalôhpa ta y teh u, chi khuh vy. Nâmo Khazohpa nata nama paw Khazohpa ta nama sykhaozy liata hmosôhpa a cha pie ei chuh. Nama tâkâ kha ei vaw hmô haw,” tah ta. Simeôna cha âmo lâ vaw papua ta.

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

1 THÂTIHZYRONA 12:20

Zikalâ lâ a lie ta, Manase chi tawhta Adanâh, Zôzabâ, Zedia, Mikaila, Zôzabâ, Elihu nata Zilethai zy ta Dâvi cha amâ kei bai. Âmo cha pheisaih sâh kha hyutuhpazy ama châ.

ZEKARIA 8:2

“Pheisaihzy Abeipa ta hetana heta a tah: Zaio cha hiatliana pasa ngaitapa ta ei hia na tlia ta, pathiiana ru ngaitapa ta ei hia eina tlia.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

1 SAMUELA 29:10

Chavâta na hnohta a vaw sie hrapa na zibeipa chakaotuhpazy chhao heta mydi kari ta thyu u la, mydi kari ta pua u la, khih pavâpa nahta sie ha muh vy,” tah ta.