1 THÂTIHZYRONA 12:18 - Mara Bible RV (BSI)

¹⁸ Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

1 THÂTIHZYRONA 12:18 ပူးပေါင်းရင်းမြစ်များ

2 SAMUELA 15:21

Châhrasala Itai ta abei cha a chhy ta, a hnohta, “Abeipa hrona na­ta ei zibeipa abei hrona reipa ta ei reih, ei zibeipa abei yna maih liata, thina rai châ sala, hrona rai châ sala, cha liata châ chakaotuhpa chhao he ei y lymâ hra aw,” tah ta.

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

2 SAMUELA 19:13

Amâsâ hnohta chhao, abei ta, ‘Ei rupa nata ei sapa châ va chi ma? Zôabâ vyuhpa ta ei hmiakô liata pheisaih hyutuhpa ta ei cha tao leipa khiahta la, Khazohpa ta ei chô liata tao sala, cha hlâta pasa viapa chhao ta tao mawh sy,’ a tah na nama kei tah aw,” tah ta.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

1 ABEIZY 9:22

Izarei sawzy deikua cha, Sawlawmaw ta sei ta tao leipa ta, pheisaihzy, a chakaotuhpazy, a beimachâzy, a pheisaih hyutuhpazy, a talailih hyutuhpazy nata a arâ pheisaihzy ta a tao ei.

2 ABEIZY 10:15

Cha su tawhta a pua nahta, ano dy awpa ta a vypa Rekhâ sawchapawpa Zehônadâ a tyh ta. Zehu ta ano cha a naoh ta, a hnohta, “Na chô liata palôh dopa ei phaopa hawhna heta, ei chô liata palôh dopa na phaoh hra ma?” tah ta. Zehônadâ ta, “Ei phaoh,” tah ta. Zehu ta, “Cha khiahta la, na ku na vaw hlâ teh,” tah ta. Zehônadâ ta a ku kei hlâ ta. Zehu ta Zehônadâ cha a hnohta talailih liata pakiasa ta.

2 ABEIZY 10:5

Abei o avaotuhpa nata khihpi avaotuhpa ta, machâzy nata hawti mohôhtuhpazy chhaota a paraohpa ta, Zehu lâ chyhsa tuah ei ta, a hnohta, “Châ chakaotuhpazy eima châ. Tao awpa miah na tahpa maih eima tao aw. Ahy hmah abei ta tao aw ma pi. Pha na tahpa hawhta tao mah y,” tah ei ta.

2 ABEIZY 9:32

Zehu cha opy lâ mohmia kaw pasaih ta, “Ahy ei chhâh a châ chi? Ahy?” tah ta. Hrilyupa pano pathôh ta za moh ei ta.

1 THÂTIHZYRONA 11:11

He he Dâvi pasaiphazy thâtih a châ: Hâkamôni chyhsa Zasôbia cha pasaipha pathôhzy hry liata hyutuh chaipa châ ta, chyhsa 300 chô liata asei pahieh ta, ei kha ta a thie khai theipa a châ.

1 THÂTIHZYRONA 12:17

Dâvi cha âmo dy awpa ta pua ta, ama hnohta, “Na bao awpa ta adyhna bie rei awpa ta kei lâ a vypa nama châ khiahta cha, ei palôh ta châ pazao aw ei ta, ei ku liata hmo doleipa khâpa hmah y vei tahpa pahno thlâh hana chôta, ei khakhaipazy na patusa namâ chhuah khiahta deikua cha, miah pathlatuhpazy Khazohpa ta cha hmô ei sala, viari cha thô mawh ei sy,” tah ta.

1 THÂTIHZYRONA 2:17

Abikai ta Amâsâ sa ta, Amâsâ paw cha Ismela chyhsa Zethe a châ.

ISAI 59:17

Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MATHAI 12:30

Ei chhâh a châ leipa cha nâ dyuhtuhpa châ ta, nâ pahmaohkhei leipa cha a papaituhpa a châ.

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

RUTHI 1:16

Ruthi ta, “Nâma cha siesai awpa tlyma, nâma ei cha pazipa tawhta kua awpa tlyma ta na reipasao khah y. Na siena lâ maih sie aw na ta, nâ riena maih liata ei rie hra aw. Na chiheihzy cha ei chiheihzy châ aw ei ta, na Khazohpa cha ei Khazohpa a châ aw.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.

1 SAMUELA 22:7

Sawla ta a kiapâh liata â duahpa a chakaotuhpazy hnohta, “Nâmo Benzami mozy saih u, nathlie teh u. Zese sawchapawpa heta nama zydua ta lyuzy nata kre sadôzy a cha pie aw ei ma, a pheisaih sâh kha hyutuhpa ta zy nata za kha hyutuhpa zy ta a cha tao khai aw ei ma?

1 SAMUELA 24:12

Abeipa ta nâma nata keima likah pachia sala, Abeipa ta na chô liata ei phuh tlao la mawh sy. Kei ta la, na chô liata ei ku pathla cheita aw va na.

1 SAMUELA 24:13

Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.

1 SAMUELA 24:16

Cha biezy cha Dâvi ta Sawla hnohta a rei khai nahta, Sawla ta, “Cha cha nâma ao ma a châ, ei sawchapawpa Davi?” tah ta. Sawla cha aoh tlili ta cha ta.

1 SAMUELA 8:12

Âmo cha a pheisaih sâh kha hyutuhpa nata sypangawh hyutuhpazy ta rao aw ta, thokhazy cha ano châta lei palietuhpa châta zy, a sâh hriatuhpa châta zy, a chariah chhaichhi taotuhpa châta nata a talailih chhaichhi taotuhpa châta zy a rao aw ei.