1 THÂTIHZYRONA 11:6 - Mara Bible RV (BSI)

⁶ Dâvi ta, “Ahy rai Zebu mo a thie tuachaipa cha pheisaih hyutuh chaipa a châ aw,” tah ta. Zeru sawchapawpa Zôabâ khy tuachai ta, chatanachata ano cha pheisaih hyutuh chaipa ta taopa a châ.

1 THÂTIHZYRONA 11:6 ပူးပေါင်းရင်းမြစ်များ

2 SAMUELA 2:13

Zeru sawchapawpa Zôabâ nata Dâvi chakaotuhpazy chhao vaw pua ei ta, Kibiô tipo liata a kei tyh ei ta. Tipo haosâ lâ hlao kha a tyuh ei ta, tipo hesâ lâ hlao kha a tyuh ei ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 20:23

Zôabâ cha Izarei pheisaih zydua hyutuhpa châ ta, Zahôdâ sawchapawpa Benai cha Kere mo nata Pele mo hyutuhpa a châ.

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 SAMUELA 8:16

Zeru sawchapawpa Zôabâ cha pheisaih hyutuh chaipa châ ta, Ahilu sawchapawpa Zehôsaphâ cha thâtih rohtuhpa a châ.

1 ABEIZY 1:7

Adôniza ta Zeru sawchapawpa Zôabâ nata theihthaipa Abiathâ a saohiah ta. Ama pano ta Adôniza cha pazipa ta bao ei ta.

1 THÂTIHZYRONA 11:5

Zebu khihsawzy ta Dâvi hnohta, “He liata a vaw ngia thei aw va chi,” tah ei ta. Chatahrasala Dâvi ta Zaio thokhy cha la ta, cha cha Dâvi khihpi tahpa a vaw châ haw.

1 THÂTIHZYRONA 11:7

Dâvi cha thokhy chhôh liata pahrâ ta, chavâta cha khihpi cha Dâvi khihpi tahpa a châ.

1 THÂTIHZYRONA 18:15

Zeru sawchapawpa Zôabâ cha pheisaih hyutuh chaipa châ ta, Ahilu sawchapawpa Zehôsaphâ cha thâtih rohtuhpa a châ.

1 THÂTIHZYRONA 27:34

Ahitôphe cha Benai sawchapawpa Zehôdâ ta a thla ta, Zehôdâ cha Abiathâ ta â thla. Zôabâ cha abei pheisaihzy hyutuh chaipa a châ.

HLAZY 60:9

Ahy ma thokhy khihpi lâ nâ chhi aw? Ahy ma Edômâ lâ nâ chhihtha aw?

1 SAMUELA 17:25

Izarei pheisaihzy ta, “Kha chyhsa a vaw puapa kha nama hmô ma? Izarei pahao awpa ta a vaw pua. Ano a thie theipa cha abei ta sôh nata thih hluhpi piepa ta pahneirôhsa aw ta, a sawchanô pie aw ta, a paw chhôhkha cha râhpaw paeipa ta Izarei râh liata a paysa aw ei,” tah ei ta.