1 THÂTIHZYRONA 11:5 - Mara Bible RV (BSI)

⁵ Zebu khihsawzy ta Dâvi hnohta, “He liata a vaw ngia thei aw va chi,” tah ei ta. Chatahrasala Dâvi ta Zaio thokhy cha la ta, cha cha Dâvi khihpi tahpa a vaw châ haw.

1 THÂTIHZYRONA 11:5 ပူးပေါင်းရင်းမြစ်များ

2 SAMUELA 5:9

Dâvi cha thokhy chhôh liata pahrâ ta, cha cha Dâvi khihpi tahpa ta a moh a bi. Milô tawhta pathaopa ta khihpi chhôh zydua cha Dâvi ta thokhy ta dôh ta

2 SAMUELA 6:10

Chavâta Dâvi ta Abeipa Byh cha Dâvi khihpi lâ phao awpa khoh khao leipa ta, Kiti chyhsa Ôbededô o lâ tlao tlei khei ha ta.

2 SAMUELA 6:12

“Kha­zohpa Byh vâta Ôbededô chhôhkha nata a hneipa zydua Abeipa ta byhnâ a pie,” tahpa ta Bei Dâvi cha chho ei ta. Chavâta Dâvi cha sie ta, Khazohpa Byh cha Ôbededô o tawhta Dâvi khihpi lâ a ly ngaitapa ta za phaoh ta.

1 ABEIZY 8:1

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua cha, Bei Sawlawmaw hmiakô liata a luah awpa ta Zerusale liata awpakhy ta.

1 THÂTIHZYRONA 11:4

Chatawhcha Dâvi nata Izarei saw zydua cha Zerusale lâ sie ei ta. Zerusale cha Zebu tah tyhpa châ ta, a râh liata a pahrâpa Zebu mo pahrâna khihpi a châ.

1 THÂTIHZYRONA 11:6

Dâvi ta, “Ahy rai Zebu mo a thie tuachaipa cha pheisaih hyutuh chaipa a châ aw,” tah ta. Zeru sawchapawpa Zôabâ khy tuachai ta, chatanachata ano cha pheisaih hyutuh chaipa ta taopa a châ.

1 THÂTIHZYRONA 11:7

Dâvi cha thokhy chhôh liata pahrâ ta, chavâta cha khihpi cha Dâvi khihpi tahpa a châ.

2 THÂTIHZYRONA 5:2

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua Zerusale liata awpakhy ta.

HLAZY 122:5

Cha liata ryureina beidyuchhaizy patyupa châ ta, Dâvi pathla beidyuchhaizy patyupa a châ.

HLAZY 132:13

Abeipa ta Zaio a tlyh ta, A pahrâ nawpa su châta a khoh.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 48:2

A tlâh sâhzie angiana ta, Khizaw zydua palysa ta, Maw lâta Zaio Tlâh cha, Bei rônahpa khihpi a châ.

HLAZY 78:68

Zudâh chi tlao a tlyh ta, A kyhpachâpa Zaio Tlâh tlao â tlyh haw.

HLAZY 87:2

Abeipa ta Zaio hawkazy cha pasô ta, Zakaw pahrâna zydua hlâta a pasô via.

HLAZY 87:5

Zaio kyh liata hetana heta ama tah aw: “He chyhsa nata hao chyhsa hao Zaio liata a pihpa châ ei ta, Chônôchaipa tlai ta Zaio cha a padua aw.”

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 14:1

Chatawhcha kaw moh na ta, Mietakutaw Zaio Tlâh liata a duahpa nata ama khi liata ano moh nata a Paw moh ârohpa, chyhsa 144,000 a hnohta a ypazy hmô na ta.

RYUREITUHPAZY 19:10

Châhrasala Livai chyhsa cha a rie khoh khao leipa ta, thyu ta, sie ta, Zebu khih dady kei tlô ta. Cha cha Zerusale khih a châ. Alâ pô no, ky padia chiehpa a chhi ta, a nôtho chhao cha a hnohta sie hra ta.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.