1 THÂTIHZYRONA 11:4 - Mara Bible RV (BSI)

⁴ Chatawhcha Dâvi nata Izarei saw zydua cha Zerusale lâ sie ei ta. Zerusale cha Zebu tah tyhpa châ ta, a râh liata a pahrâpa Zebu mo pahrâna khihpi a châ.

1 THÂTIHZYRONA 11:4 ပူးပေါင်းရင်းမြစ်များ

ÂTHAONA 10:16

Zebu mo, Amawri mo, Kikâsi mo,

ÂTHAONA 15:21

Amawri mo, Kâna mo, Kikâsi mo nata Zebu mo râhzy he na pathlazy hnohta ei pie ei,” tahpa ta Abarâ hnohta bie hraih ta.

1 THÂTIHZYRONA 11:5

Zebu khihsawzy ta Dâvi hnohta, “He liata a vaw ngia thei aw va chi,” tah ei ta. Chatahrasala Dâvi ta Zaio thokhy cha la ta, cha cha Dâvi khihpi tahpa a vaw châ haw.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

ZAWSUA 15:8

Cha tawhna chata râhri cha Hinô Sawchapawpa Saikao lâta khy ta, Zebu mo yna chho baikhaihpa taih tlô ta. Zebu he Zerusale a châ. Râhri cha Hinô notla lâta saikao kiapâh ta a ypa tlâh laki lâta khy ta. Cha cha Rephai maw lâta saikao chhâna a châ.

ZAWSUA 18:28

Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.

RYUREITUHPAZY 1:21

Benzami pathlazy deikua, Zerusale khih liata a pahrâpa Zebu mo papua veih ei. Chavâta Zebu mo cha tanoh taihta Zerusale liata Benzami pathlazy nata hmaohkha ta ama pahrâ lymâ.