1 THÂTIHZYRONA 11:3 - Mara Bible RV (BSI)

³ Chatanachata Izarei machâ zydua cha Hebraw liata abei lâ a vy ei ta. Dâvi ta Hebraw liana cha Abeipa hmiakô liata ama hnohta bie hraih ta. Abeipa ta Samuela hmâpa ta a reipa hawhta, Dâvi cha Izarei bei châta sathawthu ei ta.

1 THÂTIHZYRONA 11:3 ပူးပေါင်းရင်းမြစ်များ

2 SAMUELA 2:4

Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

2 SAMUELA 5:5

Hebraw liata Zudâh chô liata kô sari nata thla charu a bei ta, Zerusale liata Izarei nata Zudâh zydua chô liata kô sythôh nata kô thôh â bei.

2 ABEIZY 11:17

Zehôdâ ta Izarei sawzy cha Abeipa phopi châ awpa ta, Abeipa nata abei likah liata zy, Abeipa nata zawpi likah liata zy, abei nata zawpi likah liata zy biehrai tao ta.

2 ABEIZY 23:30

A chakaotuhpazy ta a ri cha Mekidô tawhta Zerusale lâ talailih ta siekhei ei ta, ano thlâ liata ama pabu haw. Râh chyhsazy ta Zôsia sawchapawpa Zehôahâ a chhi ei ta, sathawthu ei ta, a paw su liata bei ta ama tao.

1 THÂTIHZYRONA 11:10

Hezy he Dâvi pasaiphazy châ ei ta, Abeipa bie ta Izarei thâtih a vaw reipa hawhta, Izarei zydua a paraohpa ta Dâvi bei ta taotuhpa nata a khinarâh liata thatlô ngaitapa ta baotuhpazy ama châ.

2 THÂTIHZYRONA 23:3

Zawpi ahmaohpakhypa zydua ta abei hnohta Khazohpa o liata biehrai tao ei ta. Zehôdâ ta ama hnohta, “Abei saw he moh teh u! Abeipa ta Dâvi pathlazy thâtih a vaw rei hapa hawhta, ano he â bei awpa a châ.

RYUREITUHPAZY 11:11

Chatanachata Zephathâ cha Kilia machâzy hnohta sie ta, zawpizy ta ano cha hyutuhpa nata pawhrâh chaipa ta tao ei ta. Zephathâ ta a bie reipazy cha Mizpâ khih liata Abeipa hmiakô ta reih chanei heih ta.

1 SAMUELA 11:15

Izarei phopi zydua cha Kilkal lâ sie ei ta, Kilkal liana chata Sawla cha Abeipa hmiakô liata bei ta tao ei ta. Cha liata Abeipa hmiakô ta aryhna hlâna atheihnazy hlâ ei ta, Sawla nata Izarei chyhsa zydua cha a ly ngaitapa ta y ei ta.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 16:3

Atheihna hlâna liata Zese cha aw aw chi ta, na tao awpa ei cha chho aw. A moh ei cha chho awpa cha sathaw eina thupa aw chi,” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.

1 SAMUELA 28:17

Keima hmâpa ta a reipa hawhna khata, Abeipa ta na chô liata a tao ha cha zaw. Abeipa ta khinarâh cha na ku tawhta la ta, na opapa Dâvi a pie haw.