1 THÂTIHZYRONA 11:23 - Mara Bible RV (BSI)

²³ Izi chyhsa pôh pahreihpa, dy pangawh a sâhpa chhao a thie haw. Izi chyhsa cha asei laipa, thaiphia hawhpa a chaba ta, Benai ta chôchahrei a chabapa ta za pangai ta, Izi chyhsa asei chabapa cha chhu ta, Izi chyhsa cha ano asei ta a dysao haw.

1 THÂTIHZYRONA 11:23 ပူးပေါင်းရင်းမြစ်များ

1 THÂTIHZYRONA 11:24

Cha hmozy cha Zehôdâ sawchapaw­pa Benai ta tao ta, chavâta pasaipha pathôhzy hawhta moh phana a to hra.

1 THÂTIHZYRONA 20:5

Philistinâ mo nata adyuhna y heih ta. Zairâ sawchapawpa Ehânâ ta Kiti chyhsa Kôliathâ unawhpa Lâmi thie ta. Lâmi asei bih cha thaisana batlâh tlu ta a laipa a châ.

RYHPACHANEINA 3:11

Bâsanâ bei Ôkâ deita cha Rephai chi a y chhôhpa châ ta, a rakhô cha thua rakhô châ ta, a doh lâ dy chaki seih ta, a hâ lâ dy palih a kawh. Cha cha tahmâ taihta Amawna pathlazy khihpi Râbâ liata a y thlâh ha.

1 SAMUELA 17:4

Philistinâ mo riehmo tawhta ama chyhsa thatlô chaipa Kôliathâ, Kâthâ khihpa, dy charu nata kha kha a sâhpa vaw pua ta.

1 SAMUELA 17:51

Dâvi cha thlai a kei râ ta, Philistinâ chyhsa chô liata a kei duah ta, Philistinâ chyhsa zaozi cha la ta, a paih tawhta phia ta, cha chata chhawh ta, a luh tai ta. Philistinâ chyhsazy cha ama chyhsa thatlô chaipa a thi haw tahpa ama hmô nahta, a râpai khai ha ei ta.

1 SAMUELA 17:7

Asei bih cha thaisana bâtlâh hawhta châ ta, asei luh cha sekel 600 a hripa thua a châ. A vyhphao chabatuhpa cha a hmia lâta sie ta.