1 THÂTIHZYRONA 11:20 - Mara Bible RV (BSI)

²⁰ Zôabâ unawhpa Abisai cha pasaipha sythôh hry liata hyutuh chaipa châ ta, chyhsa 300 asei pahieh thlu ta, a thie khai hapa a châ. Chavâta pasaipha pathôhzy moh pha tona liata â hlao hra.

1 THÂTIHZYRONA 11:20 ပူးပေါင်းရင်းမြစ်များ

2 SAMUELA 18:2

Dâvi ta pheisaihzy cha tuah ta, su thôh su kha cha Zôabâ ta hyu ta, su kha cha Zôabâ unawhpa Abisai, Zeru sawchapawpa ta hyu ta, su kha hropa cha Kiti chyhsa Itai ta a hyu ei. Abei ta pheisaihzy hnohta, “Keima chhao nama hnohta ei vaw sie hra aw,” tah ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 20:6

Dâvi ta Abisai hnohta, “Bikhari sawchapawpa Sebâ heta Absalaw hlâta eima chô liata chhiena a tlôkhei via aw. Na zibeipa chakaotuhpazy he a chhi la, a kei chadai teh. Chataleipatala thokhy hneipa khihpizy liata a ngia hmâ aw ta, eima mohmô tawhta â râ pathlah pathlei aw na,” tah ta.

2 SAMUELA 21:17

Châhrasala Zeru sawchapawpa Abisai ta pachha ta, Philistinâ chyhsa cha a dyuh ta, thie ha ta. Dâvi chyhsazy ta, “Izarei meiôh na pachhai lei nawpa ta, adyuhna lâ eima hnohta pua khao cheita aw va chi,” tahpa ta a hnohta bie a taih ei ta.

2 SAMUELA 3:30

Kibiô liata adyuhna liata ama unawhpa Asahe a thiepa vâta, Zôabâ nata a unawhpa Abisai ta Abane cha ama thiepa a châ.

1 THÂTIHZYRONA 11:19

Dâvi ta, “He ti he ei Khazohpa hmiakô liata doh cheita aw va na. He chyhsazy heta ama hrona sokhâhpa ta he ti he kei thaih ei ta, ama hrona thisaih cha ei doh aw ma?” tah ta. Chavâta ti cha doh khao vei. Cha hmozy cha pasaipha pathôhzy ta ama tao.

1 THÂTIHZYRONA 11:21

Pasaipha pathôh hry liata pahlaopa a châ leipa chhao ta, âmo hlâta palyupalih tlâh viapa châ ta, Sythôh hry liata palyupalih tlâh chaipa châ ta, chavâta ama hyutuhpa ta ama tao.

1 THÂTIHZYRONA 2:16

Ama sietanôzy cha Zeru nata Abikai zy ama châ. Zeru sawchapawzy cha Abisai, Zôabâ nata Asahe zy châ ei ta, pathôh ama châ.

1 SAMUELA 26:6

Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.