1 THÂTIHZYRONA 11:18 - Mara Bible RV (BSI)

¹⁸ Pasaipha pathôhzy ta Philistinâ pheisaihzy riehmo siepahliepa ta, thokhy chhikao kiapâh liata Bethlehe tikhaoh ti cha kei thaih ei ta, Dâvi lâ vaw cheih ei ta. Châhrasala doh ngâh khao leipa ta. Abeipa châta tlao patlai ta,

1 THÂTIHZYRONA 11:18 ပူးပေါင်းရင်းမြစ်များ

2 SAMUELA 23:16

Pasaipha pathôhzy ta Philistinâ pheisaihzy riehmo siepahliepa ta, thokhy chhikao kiapâh liata Bethlehe tikhaoh ti cha kei thaih ei ta, vaw phaoh ei ta, Dâvi lâ vaw cheih ei ta. Châhrasala doh ngâh khao leipa ta, Abeipa châta tlao patlai ta.

1 THÂTIHZYRONA 11:17

Dâvi cha a dâhphi kaw ta, “Aw, Bethlehe liata tikhaoh ti, thokhy chhikao kiapâh liatapa kha doh awpa ta nâ piepa ama y mawh sala ei tah kaw dia!” tah ta.

1 THÂTIHZYRONA 11:19

Dâvi ta, “He ti he ei Khazohpa hmiakô liata doh cheita aw va na. He chyhsazy heta ama hrona sokhâhpa ta he ti he kei thaih ei ta, ama hrona thisaih cha ei doh aw ma?” tah ta. Chavâta ti cha doh khao vei. Cha hmozy cha pasaipha pathôhzy ta ama tao.

HLAZY HLA 8:6

Na chachôhna liata chahnaona hawhta na soh la, Na ku liata chahnaona hawhta nâ ky mah y; Kyhpachâna cha thina tlu ta a thatlô ta, Hiatliana cha Athihkhih tlu ta â hrâh. Kyhpachâna cha meipaleih hawhta a duah ta, Meipaleih thatlô ngaitapa hawhta a duahpa a châ.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.