1 SAMUELA 9:6 - Mara Bible RV (BSI)

⁶ Châhrasala chakaotuhpa ta a hnohta, “Pachâ tua, he khih liana he Khazohpa chyhsa pakha y ta, chyhsa zachhih ngaitapa a châ, a reipa maih a tlô lymâ tyh. Cha lâ cha vawh tua ei si, eima sie nawpa lâpi miah a chho thei ngyu aw,” tah ta.

1 SAMUELA 9:6 ပူးပေါင်းရင်းမြစ်များ

ÂTHAONA 24:42

“Tanoh tikhaoh vaw tlô na ta, ‘Hy Abeipa, ei zibeipa Abarahâ Khazohpa y, ei siena chhâpa hlao eina patloh awpa chi a châ khiahta la,

2 SAMUELA 15:27

Abei ta theihthaipa Zadô hnohta, “Hmôtheituhpa châ va chi ma? Thlalôhpa ta khihpi lâ kua ha mah y. Na sawchapawpa pano, nâma sawchapawpa Ahimazi nata Abiathâ sawchapaw Zawnathâ zy chhaota kua ha muh vy.

1 ABEIZY 13:1

Abeipa biepiepa hawhta, Zudâh tawhta Khazohpa chyhsa pakha Bethel lâ a vy ta. Zerôbaw cha maisâh kiapâh liata hmo hlâ awpa ta a duah ta.

2 ABEIZY 5:8

Khazohpa chyhsa Elaisâh ta Izarei bei ta a chysia a hrie tahpa a thei nahta, abei lâ chyhsa tuah ta, a hnohta, “Khazia na chysia cha na hrie? Kei lâ a vy mawh sy. Chatanachata Izarei liata hrohsopa a y tahpa a pahno aw,” tah ta.

2 ABEIZY 6:6

Khazohpa chyhsa ta, “Khataih liata a tla?” tah ta. A tlana su pahmô ta, Elaisâh ta thody chhawh ta, cha liata za thy ta, thua cha a kaw pho ha ta.

HLAZY 25:12

Abeipa a chipa chyhsa cha ahy ma a châ? Cha chyhsa cha lâpi â chhih awpa a pahmô aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

MATHAI 24:35

Lei nata vâ a lei aw, ei biezy deikua lei aw vei.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

1 THYSALAWNIKA 5:13

Ama raihria vâta kyhpachâ ta pasô ngaita awpa ta eima châ haw hra. Adyryhpa ta y teh u.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

1 SAMUELA 2:27

Khazohpa chyhsa pakha Eli lâ a vy ta, a hnohta, “Abeipa ta hetana heta a tah: Châ pathlatuhpa chizy Izi râh liata Phiraoh sei ta ama y no kha, ama hnohta a siapa ta a phualuah ha va na mâ?

1 SAMUELA 9:8

Chakaotuhpa ta Sawla cha a chhy heih ta, a hnohta, “Moh teh, tâkâ saki miakha ei hnei, he he eima siena awpa lâpi miah a chho thei nawpa ta, Khazohpa chyhsa cha ei pie aw,” tah ta.