1 SAMUELA 9:23 - Mara Bible RV (BSI)

²³ Samuela ta beihchhotuhpa hnohta, “Ânano ta so awpa ta savyuh ei cha piepa kha vaw cheih teh,” tah ta.

1 SAMUELA 9:23 ပူးပေါင်းရင်းမြစ်များ

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

1 SAMUELA 1:5

Hânâ deikua cha, Abeipa ta a chhi a khaw hapa chhao ta, a kyh a pachâ ngaitapa vâta, vyuh no a pie tyh.

1 SAMUELA 9:22

Samuela ta Sawla nata a chakaotuhpa cha a chhi ta, ama pano ta chhôhpadâhpa laipa lâ a ngiakhei ta, hrua eihpa chyhsa sythôhzy hlâta â sâh viapa liata âmo cha patyusa ta.

1 SAMUELA 9:24

Beihchhotuhpa ta a byhpi nata a chô lâta a ypa sa cha vaw cheih ta, Sawla hmiakô liata soh ta. Samuela ta, “Moh teh, nâma châta ano eih ta sopa ama cha vaw pie hih. Nie teh, he savyuh he, ‘Chyhsazy ei hrua ei’ ei tah noh tawhta, he daihti a vaw tlô hlâlei cha nâma châta sopa a châ,” tah ta. Cha noh ta, Sawla cha Samuela pati dôh lâh ta.