1 SAMUELA 9:21 - Mara Bible RV (BSI)

²¹ Sawla ta a chhy ta, “Kei he Izarei chi hry liata chi chyh chaipa Benzami chi châ va na mâ? Ei pho chhao Benzami chi pho zydua hry liata pho chyh chaipa châ vei mâ? Kheihtazieta he hawhta ei hnohta a reihpa ma na châ tly?” tah ta.

1 SAMUELA 9:21 ပူးပေါင်းရင်းမြစ်များ

HLAZY 68:27

Hawti chaipa Benzami ta âmo cha chhihtha ta, Zudâh chhituhpa hluhpi y ei ta, Zebulawna nata Nâthalai chhituhpazy amâ hlao hra.

HLAZY 68:28

Hy Khazohpa, na hmotaotheina aw la, Hy Khazohpa, na tao tyhpa hawhta, Na thatlôna miah pahmô heih mah y.

HÔSIA 13:1

Epharai ta bie a reih khiahta cha, Chyhsazy amâ chalyu tyh; Ano cha Izarei liata cheihchalopa a châ. Châhrasala Bâlâ vâta thailei châ ha ta, Chavâta a thi haw.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.

1 SAMUELA 14:51

Kisâ cha Sawla paw châ ta, Abane paw Nerâ cha Abie sawchapawpa a châ.

1 SAMUELA 15:17

Samuela ta, “Nâma pachâ ta cha, chyhsa chyhpata hawhta a pachâ hra la, Izarei chizy hyutuhpa châ va chi mâ? Abeipa ta Izarei chô liata bei châ awpa ta sathaw a cha thu.

1 SAMUELA 18:18

Dâvi ta Sawla hnohta, “Ahy ma châ na ta, ei sanawh rinô nata ei paw pho zy he Izarei liata ahyzy châ ei ta ma, abei piahpa cha ei châ aw?” tah ta.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.

1 SAMUELA 9:22

Samuela ta Sawla nata a chakaotuhpa cha a chhi ta, ama pano ta chhôhpadâhpa laipa lâ a ngiakhei ta, hrua eihpa chyhsa sythôhzy hlâta â sâh viapa liata âmo cha patyusa ta.