1 SAMUELA 9:13 - Mara Bible RV (BSI)

¹³ Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.

1 SAMUELA 9:13 ပူးပေါင်းရင်းမြစ်များ

2 SAMUELA 15:11

Zerusale chyhsa hrua eihpa za no chhao Absalaw hnohta sie hra ei ta. Palôh phapa ta sie ei ta, khâpa hmahta pahno veih ei.

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 26:26

Ama nie hai nota, Zisu ta viahchhâ la ta, byhnâ a aw khai nahta, pachhaih ta, pachupazy pie ta, ama hnohta, “La u la, nie teh u, he he ei sapa a châ,” tah ta.

MÂKA 6:41

Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta.

LUKA 24:30

Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

LUKA 9:16

Viahchhâ tlâ pangawh nata ngasa miano cha la ta, avâ lâ uapa ta byhnâ aw ta. Viahchhâ cha pachhaih ta, zawpi rai awpa ta pachupazy cha pie ta.

ZAWHÂNA 6:11

Zisu ta viahchhâ cha la ta, alyna bie a rei khai nahta, a tyuhpa sahlaozy cha rai ta. Ngasazy chhao ama khona zie ta rai ta.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

1 KAWRINI 10:30

Alyna chôta ei nie khiahta cha, alyna bie reina chôta ei niepa pati vâta, khazia reipachhiepa ei châ aw?

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.

1 SAMUELA 9:14

Khihpi lâ cha khy ei ta. Khihpi amâ ngiapa nahta, su sâhpa lâ khy a chhuahpa Samuela cha a tyh ei ta.