1 SAMUELA 8:7 - Mara Bible RV (BSI)

⁷ Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.

1 SAMUELA 8:7 ပူးပေါင်းရင်းမြစ်များ

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

ISAI 66:4

Aw ei na ta, ahy hmahta na chhy leipa ei ta, Bie reih na ta, nathlie hra veih ei; Ei mohmô liata hmo pha leipa tao ei ta, Ei ly leipa hmo amâ tlyhpa vâta, Kei chhao ta ama chô liata chahrâh kawpa ta tao aw na ta, Ama chipazy ama chô liata ei patlôsa aw,” Abeipa ta a tah.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

EZEKIA 2:3

Abeipa ta ei hnohta hetana heta a tah: “Chyhsa sawchapawpa y, Izarei sawzy lâta ei cha tuah. Chhorupa phopi, keima nâ dyuhtuhpa phopi lâta ei cha tuah. Âmo pathlatuhpazy nata âmo cheingei ta tanoh taihta ei chô liata hmo ama parao ngâ thlâh haw.

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

MALUHREINA 22:20

Cha zâ liata, Khazohpa cha Bâlâma lâ a vy heih ta, a hnohta, “Chyhsazy cha nâma dy awpa ta a vypa ama châ khiahta cha, thyu la, ama hnohta sie mah y. Anodeikua ei cha chhopa deita na tao awpa a châ,” tah ta.

MATHAI 10:40

“Ahy rai nâmo châ lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

ZAWHÂNA 13:16

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

RYUREITUHPAZY 8:23

Kidia ta ama hnohta, “Kei ta nama chô liata ryureih leipa aw na ta, ei sawchapawpa chhao ta nama chô liata ryureih hra aw vei. Abeipa ta nama chô liata ryu tlao a reih aw,” tah ta.

1 SAMUELA 10:19

Châhrasala tanoh he nama chhiena nata nôpona zydua tawhta châ pachhatuhpa, nama Khazohpa cha khoh leipa ei chi ta, a hnohta, ‘Châ vei, eima chô liata bei miah paduapa teh,’ nama tah. Chavâta tahmâ a chi chi nata a pho pho ta Abeipa hmiakô liata a vaw luah teh u,” tah ta.

1 SAMUELA 12:1

Samuela ta Izarei zydua hnohta, “Pachâ teh u, ei hnohta bie nama reipa zydua nathlie na ta, nama chô liata ryu a reih awpa bei ei cha taopa ei.

1 SAMUELA 12:12

Châhrasala Amawna bei Nahâsâ cha nâmo a dyuh awpa ta â vy tahpa nama pahno nahta, Abeipa nama Khazohpa cha nama bei a châ thlâh hapa chhao ta, ei hnohta, ‘Châ vei, abei ta eima chô liata ryu a reih awpa a châ,’ nama tah heih.

1 SAMUELA 8:22

Abeipa ta Samuela hnohta, “Ama ao nathlie la, âmo châta bei cha taopa mah y,” tah ta. Chatawhcha Samuela ta Izarei chyhsazy hnohta, “Chyhsa to nama khih chyu lâta a di teh u,” tah ta.

1 SAMUELA 8:8

Izi râh tawhta ei kaw chhi papua noh tawh ei ta tanoh taihta ama tao tyhpa, keima nâ heihsaipa ta, khazoh hropazy ama chakao tyhpa hawh tlai ta, nâma chô liata chhao ama taopa a châ.