1 SAMUELA 8:11 - Mara Bible RV (BSI)

¹¹ Ama hnohta, “Nama chô liata ryu a reih awpa bei taozie awpa cha he hawhna heta a châ aw: Nama sawchapawzy la aw ta, a talailih a haoh awpa ta zy, a arâ a kiah awpa ta zy nata a talailih hmia lâta a râ awpazy ta a rao aw ei.

1 SAMUELA 8:11 ပူးပေါင်းရင်းမြစ်များ

2 SAMUELA 15:1

Cha khai tawhta hetana heta vaw châ ta, Absalaw ta talailih miakha nata arâzy nata chyhsa sypangawh a hmia lâta a râ awpa zy a chhuanoh ta.

1 ABEIZY 1:5

Haki sawchapawpa Adôniza cha anosasyh ta a chaluahpa ta, “Kei he a bei awpa ei châ,” tah ta. Chatanachata talailihzy nata ano hmia lâta a râ awpa arâ pheisaihzy sypangawh pachhuahpanoh ta.

1 ABEIZY 10:26

Sawlawmaw ta talailihzy nata arâ pheisaihzy pahmaoh pakhy ta. Talailih 1,400 nata arâ pheisaih 12,000 hnei ta, chazy cha talailih sona khihpizy nata abei yna Zerusale liata soh ta.

1 ABEIZY 12:10

A richâhkha thyutliazy ta a hnohta, “‘Na paw khata eima raopaky pahri ngaita tyh ta, nâ ta cha miah pahuapa teh,’ châ tahtuhpa, cha zawpizy hnohna chata, ‘Ei paw byhpizy hlâta ei kuparo tieta a lai via.

1 ABEIZY 12:4

“Na paw khata eima raopaky pahri ngaita tyh ta. Chavâta na paw ta rie miah patheipa nata raopaky a hri ngaitapa eima chô liata a pahniehpa he miah pahuapa la, chatanachata eima cha chakao aw,” tah ei ta.

1 ABEIZY 14:27

Bei Rehôbaw ta ngôh vyhphaozy vyuhpa ta dawh vyhphaozy tao ta, chazy cha abei o ochhi vaituhpa pheisaih hyutuhpazy pavaosa ta.

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

1 SAMUELA 10:25

Samuela ta zawpizy cha khinarâh ryureina siekheizie awpa kyh zy chho ta, chazy cha châbu liata roh ta, Abeipa hmiakô liata soh ta. Chatawhcha Samuela ta zawpizy cha ama o chyu lâta padisa ha ta.

1 SAMUELA 14:52

Philistinâ mo nata Izarei mo cha Sawla hro chhôh zydua ta thata a dyuh ei ta, chavâta Sawla ta chyhsa thatlôpa nata riahphapa a hmôpa maih cha a pheisaih châta a la lymâ ei.

1 SAMUELA 22:7

Sawla ta a kiapâh liata â duahpa a chakaotuhpazy hnohta, “Nâmo Benzami mozy saih u, nathlie teh u. Zese sawchapawpa heta nama zydua ta lyuzy nata kre sadôzy a cha pie aw ei ma, a pheisaih sâh kha hyutuhpa ta zy nata za kha hyutuhpa zy ta a cha tao khai aw ei ma?

1 SAMUELA 8:9

Chavâta ama ao cha nathlie mah y. Anodeikuacha a sia ngaitapa ta ama hnohta zikyu a râ la, ama chô liata ryu a reih awpa bei hmotaozie awpazy chhao âmo pahnosa chhielie ha mah y,” tah ta.