1 SAMUELA 8:1 - Mara Bible RV (BSI)

¹ Samuela cha a vaw machâ nahta, a sawchapawzy cha Izarei chô liata ryureituhpazy ta tao ta.

1 SAMUELA 8:1 ပူးပေါင်းရင်းမြစ်များ

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

RYUREITUHPAZY 10:4

Zairâ cha alâ sythôh a kiah tyhpa sawchapaw­ sythôh a hnei. Khihpi sythôh hnei ei ta, chazy cha tanoh taihta Hâvô Zairâ tahpa ta awpa a châ.

RYUREITUHPAZY 12:14

Ano cha alâ sysari a kiahpa sawchapaw sypalih nata samoh sythôh a hnei. Izarei chô liata kô charie ryureih ta.

RYUREITUHPAZY 5:10

“Nâmo, alâ râhpa a kiahpazy saih u, Cha biezy cha phuah u la; Nâmo, pohphaw liata a tyuhpazy saih u, Cha biezy cha phuah u la; Nâmo, lâpi a chhihpazy saih u, Cha biezy cha phuah teh u.

1 SAMUELA 12:2

Tahmâ cha nama hmia lâta a sie awpa bei nama hnei haw. Kei cha machâpa nata luhpawhpa châ ha na ta, ei sawchapawzy nama hnohta ama y hih. Ei thyutlia daihti tawhta tanoh taihta nama hmia lâta ei sie lymâ.