1 SAMUELA 7:3 - Mara Bible RV (BSI)

³ Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.

1 SAMUELA 7:3 ပူးပေါင်းရင်းမြစ်များ

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 8:48

sei ta a chhituhpa ama chariahpazy râh liana chata, ama pathipalôh tlokhuh ta nata ama thlahpa tlokhuh ta ro ei sala, âmo pathlatuhpazy hnohta na piepa ama râh nata nâ tlyhpa khihpi nata na moh châta ei sapa o lâ he a heihpa ta, nâ lâta thlah ama chhâ khiahta cha,

2 ABEIZY 17:39

Abeipa nama Khazohpa deita nama chi awpa châ ta, ano ta nama chariahpa zydua ku tawhta a cha pachha aw ei,” tahpa ta ama hnohta biepie ta.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 20:33

Su sâhpazy deikua cha paraopa châ leipa ta, Izarei phopi ta ama pathlatuhpazy Khazohpa chô liata ama palôh soh khai veih ei.

2 THÂTIHZYRONA 30:19

Abeipa, a pathlatuhpazy Khazohpa tlua awpa ta a palôh a paheipa maih cha, supathaihpa ryhpa hawhta pathai tuapa a châ leipa chhao ta, Khazohpa ta a ngiahthai mawh sy,” tah­pa ta thlahchhâ ta.

BIESOZY 16:1

Palôh achhuahna cha chyhsapa eih châ ta, Paleih achhyna deikua cha Abeipa tawhta a châ.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

EZEKIA 14:6

“Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

MATHAI 15:8

“‘He phopi heta, Ama hmao ta na palyupalih ei ta, Ama pathipalôh ta deikua einâ hla kaw ei.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

LUKA 4:8

Zisu ta a chhy ta, “‘Abeipa na Khazohpa a chhy aw chi ta, Ano deita na chakao aw,’ Tahpa ropa a châ,” tah ta.

ZAWHÂNA 4:24

Khazohpa cha Thlahpa châ ta, ano achhytuhpazy ta thlahpa nata biehmeiseihpa ta amâ chhy awpa a châ,” tah ta.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 13:4

Abeipa nama Khazohpa pazi aw ei chi ta, ano cha chipa ta, a biepiepazy nama zyh awpa a châ. A ao nathliepa ta, ano chakao aw ei chi ta, ano cha khâchâ namâ patu awpa a châ.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

ZAWSUA 13:31

Kilia râh khophie nata Bâsanâ bei Ôkâ khinarâh liata Astarô nata Edarei chhao âmo râh ta a ô. Chazy cha Manase sawchapawpa Mâkhi pathla khophiezy hnohta a pho pho ta ama ryuto châta piepa râhzy a châ.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

ZAWSUA 24:23

Zawsua ta, “Chata a châ khiahta cha, nama hry liata chihropa khazoh a ypazy kha thy khai u la, Abeipa Izarei Khazohpa lâta nama pathipalôh pahei teh u,” tah ta.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 2:11

Izarei sawzy ta Abeipa mohmô liata moleina hmo taopa ta, Bâlâ khazohzy a chhy pathao ei ta.

RYUREITUHPAZY 2:13

Abeipa a heihsaipa ta, Bâlâ nata Astarô khazohzy tlao ama chakao.

1 SAMUELA 31:10

A chariah chhaichhizy cha Astarô o liata soh ei ta, a ri deikua cha Besâ thokhy liata chahry pâ ei ta.