1 SAMUELA 7:17 - Mara Bible RV (BSI)

¹⁷ Cha khihpizy tawhna chata a o yna Râmâ khihpi lâ a lie heih tyh ta, Râmâ liana chhao chata Izarei chô liata ryureituhpa ta y ta. Abeipa maisâh chhao Râmâ khihpi liata a padua.

1 SAMUELA 7:17 ပူးပေါင်းရင်းမြစ်များ

ÂTHAONA 33:20

Cha liata maisâh padua ta, a moh El-Elôhe-Izarei a bi.

ÂTHAONA 35:7

Cha liata maisâh tao ta, a unawhpa tawhta â râ nota Khazohpa a hnohta â luahna su a châpa vâta, a moh ta Elbethel a bi.

ISAI 10:29

Lytlâh khôna su liata khô ei ta, Kebâ khih liata amâ rie. Râmâ khihsawzy a chalyu ei ta, Sawla Kibia mo amâ râpai haw.

RYUREITUHPAZY 4:5

Debawrâ cha Epharai tlâh râh liata Râmâ nata Bethel likawh ta thiahrâ kô ry liata a tyuh tyh ta. Izarei sawzy ta ama bie pachiapa awpa ta ano lâ ama pangai tyh.

RYUREITUHPAZY 6:24

Kidia ta cha su liata Abeipa châta maisâh tao ta, Zehôvâh Salom tahpa ta a moh a bi. Cha maisâh cha Abieze mo râh Ôpharâ khih liata tanoh taihta â duah thlâh haw.

1 SAMUELA 1:1

Epharai tlâh râh Râmâthaizôphi khih liata chyhsa pakha a moh Elkânâ ama tahpa y ta. Cha chyhsa cha Zerôhâ sawchapawpa châ ta, Zerôhâ cha Elihu sawchapawpa châ ta, Elihu cha Tôhu sawchapawpa châ ta, Tôhu cha Epharai chi Zupha sawchapawpa a châ.

1 SAMUELA 1:19

Mydi kari ta thyu ei ta, Abeipa amâ chhy khai nahta, Râmâ liata ama o lâ a lie ei ta. Elkânâ ta a lapinô Hânâ cha a zialâh ta. Abeipa ta Hânâ cha a thei thlâh ha ta.

1 SAMUELA 11:15

Izarei phopi zydua cha Kilkal lâ sie ei ta, Kilkal liana chata Sawla cha Abeipa hmiakô liata bei ta tao ei ta. Cha liata Abeipa hmiakô ta aryhna hlâna atheihnazy hlâ ei ta, Sawla nata Izarei chyhsa zydua cha a ly ngaitapa ta y ei ta.

1 SAMUELA 14:35

Sawla ta Abeipa châta maisâh tao ta, cha cha Abeipa châta maisâh a tao tua chaipa a châ.

1 SAMUELA 15:34

Cha khai tawhta Samuela cha Râmâ lâ sie ta, Sawla deikua cha Sawla khih Kibia liata ano o lâ khy ta.

1 SAMUELA 2:11

Chatanachata Elkânâ cha Râmâ liata a o lâ a di ta. Hawtipa deikua cha theihthaipa Eli hmiakô liata Abeipa chakao ha ta.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.

1 SAMUELA 8:4

Chavâta Izarei machâ zydua a hmaohpakhy ei ta, Râmâ khih liata Samuela yna lâ sie ei ta,

1 SAMUELA 9:12

Laihsazy ta a chhy ei ta, ama hnohta, “A y tlaih, nama hmiata liata a sie. A para teh u, tanoh cha su sâhpa liata atheihna hlâna noh a châpa vâta, tahmâ tlai kha khihpi liata a vaw tlô.