1 SAMUELA 7:14 - Mara Bible RV (BSI)

¹⁴ Philistinâ mo ta Izarei khihpi ama la hapazy kha, Ekaraw tawhta Kâthâ taihta Izarei ku liata y pakhua heih ta, Izarei ta a râh zydua cha Philistinâ mo ku tawhta a la pakhua khai haw. Izarei nata Amawri mo chhao a dyryh kawpa ta ama y lymâ.

1 SAMUELA 7:14 ပူးပေါင်းရင်းမြစ်များ

1 THÂTIHZYRONA 18:1

Cha hnôh lâta Dâvi ta Philistinâ mo a dyuh ta, pahnie ta, Kâthâ khihpi nata a khichapeihzy cha Philistinâ mo tawhta la ta.

HLAZY 106:34

Abeipa ta âmo bie a piepa hawhta, Phopizy pahleipadia leipa ei ta,

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

ZAWSUA 10:5

Chatanachata Amawri bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha a paraoh ei ta, ama pheisaih zydua chhaota khy ei ta, Kibiô khihpi riaai liata a pahmaoh ei ta, khihpi cha a dyuh ei ta.

ZAWSUA 15:11

Râhri cha Ekaraw maw lâ baikhaihpa lâta sie ta, Sikarô lâta pako ta, Bâlâh tlâh liata sie lymâ ta, Zabine liata pua ta, tilaipi liata a chhâ.

RYUREITUHPAZY 4:17

Siserâ cha Keni chyhsa Hebe lapinô Zaeli poh o lâ a phei ta a râ ta. Hâzaw bei Zabi nata Keni chi Hebe pathlazy likah liata adyuhna a ypa vâta ano lâ a râpa a châ.