1 SAMUELA 6:21 - Mara Bible RV (BSI)

²¹ Kiriaziari khihpi lâ chyhsa tuah ei ta, ama hnohta, “Abeipa Byh kha Philistinâ mo ta ama vaw soh pakhua haw. A zu u la, nâmo paso awpa ta za la teh u,” tah ei ta.

1 SAMUELA 6:21 ပူးပေါင်းရင်းမြစ်များ

2 SAMUELA 6:2

Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

HLAZY 78:60

Silô liata a byureih siesai ta, Chyhsapa hry liata a pahrâna poh o a siesai haw.

ZEREMIAH 26:20

Mohropa pakha Abeipa moh ta hrohsona bie a phuahpa y hra ta. Ano cha Kiriaziari chyhsa Semiah sawchapawpa Uria kha a châ. Zeremiah bie reipazy hawhta, he khihpi nata he râh rao nawpa kyh hrohsona bie phuah ta.

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

ZEREMIAH 7:14

Silô chô liata ei taopa hawhna khata, ei moh ta bipa, he o chô liana chhao he tao aw na ta, nâmo nata châ pathlatuhpazy hnohta su ei cha piepa ei, namâ ngâchhâpa chô liata chhao ei tao aw.

ZAWSUA 15:60

Kiriaziari ama tah hrapa Kiriabâlâ nata Râbâ, khihpi miano nata ama khichapeihzy cha, Tlâh râh liata Zudâh khihpizy ama châ.

ZAWSUA 15:9

Tlâh laki tawhta râhri cha Nephatô chavah hnawh lâta sie ta, Epharaw tlâh khihpizy liata pua ta, Bâlâh lâta chô ta. Bâlâh cha Kiriazeri a châ.

ZAWSUA 18:14

Behôrô chho lâta tlâh tawhna chata râhri cha notla baih lâ tawhta chho lâta pako ta, Zudâh pathlazy khihpi Kiriabâlâ liata a kaw pua. Kiriabâlâ he Kiriaziari tahpa a châ hra. Cha cha notla lâta a ypa râh a châ.

ZAWSUA 9:17

Izarei sawzy cha sie lymâ ei ta, noh thôhna noh ta Kibiô mo khihpizy kei tlô ei ta. Ama khihpizy cha Kibiô, Kephirâh, Berô nata Kiriaziari zy a châ.

RYUREITUHPAZY 18:12

khy ei ta, Zudâh râh Kiriazeri khih liata riehmo paryh ei ta. Chavâta cha su cha tanoh taihta Mahânedâ ama tah thlâh ha chy. Moh teh u, cha su cha Kiriazeri notla lâta a ypa a châ.