1 SAMUELA 6:19 - Mara Bible RV (BSI)

¹⁹ Beseme khihsaw thokhazy deikua cha, Abeipa Byh chhôh lâ ama mopa vâta, Abeipa ta a thie ha ei. Ama hry liata chyhsa sysari tlai thie ta, Abeipa ta thata a thiepa vâ ei ta khihsawzy cha mâchhiesapa ta ama y.

1 SAMUELA 6:19 ပူးပေါင်းရင်းမြစ်များ

2 SAMUELA 6:7

Abeipa cha Uza chô liata a hiehâh ta, a hmotaopa doleipa vâta Khazohpa ta cha liata thie ta, Khazohpa Byh kiapâh liata thi ha ta.

2 THÂTIHZYRONA 25:21

Chatanachata Izarei bei Zôasâ cha khy ta, Zudâh bei Amazia nata Zudâh râh Beseme khihpi liata hmiachhypa ta a dyuh ei ta.

PUASAINA 19:21

Abeipa ta Mawsi hnohta, “Zu la, zawpi khu zikyu zâ râ mah y. Chataleipatala Abeipa hmia hmô a chhuahpa ta vaw chatôh aw ei ta, chyhsa hluhpi ama leidia pathlei aw.

PUASAINA 33:4

Cha bie pachâchhiechhih ngaitapa cha zawpi ta ama thei nahta, cha ei ta, ama sôhthihzy a tobi tlâ khao leipa ei ta.

MALUHREINA 1:51

Achhyna byureih pasie awpa a châ khiahta cha, Livai pathlazy ta phie aw ei ta, achhyna byureih parai awpa a châ tita chhao, Livai pathlazy ta ama parai tyh aw. Chyhsa zawrâpa ta achhyna byureih â hnia khiahta cha thie awpa a châ.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:18

“Kôhâ pathla chi nata phozy Livai chi tawhta chhawh pathlahpa ta ama y awpa châ vei.

MALUHREINA 4:20

Khupa hmo pathaihpazy moh awpa ta deikua amâ ngia awpa châ vei. Chataleipatala ama thi pathlei aw,” tah ta.

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?