1 SAMUELA 6:17 - Mara Bible RV (BSI)

¹⁷ Hezy he thaileichâna atheihna hlâna châta Philistinâ mo ta Abeipa lâta ngôh kheihluh nothlahpa ama hlâ paliepazy a châ: Asadô vyuhpa ta miakha, Kâza vyuhpa ta miakha, Askelaw vyuhpa ta miakha, Kâthâ vyuhpa ta miakha, Ekaraw vyuhpa ta miakha.

1 SAMUELA 6:17 ပူးပေါင်းရင်းမြစ်များ

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

2 SAMUELA 21:22

Cha papalihpazy cha Kâthâ khihpi liata mopahreihpa pathlazy châ ei ta, Dâvi ku ta nata a chakaotuhpazy ku ta ama thi khai haw.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 THÂTIHZYRONA 26:6

Philistinâ mo a dyuh awpa ta pua ta, Kâthâ thokhy, Zabane thokhy nata Asadô thokhy zy pacho ta. Asadô râh nata Philistinâ mo hry liata khihpizy padua ta.

ZEREMIAH 25:20

nata ama hry liata chipho a pahlaopa pathla zydua; Uzi râh bei zydua nata Philistinâ râh bei, Askelaw, Kâza, Ekaraw nata Asadô liata laibâhpa bei zydua;

THEIHTHAINA 5:7

“Mietakutaw a pachâ thei leipa khiahta cha, a moleina chatlai nawpa ta vachhuh pô no tlyma, pivawtaw pô no tlyma Abeipa lâ a hlâ awpa a châ. Pô kha moleina hlâna châta châ aw ta, ahropa cha raopa hlâna châta a châ aw.

AMÔSÂ 1:6

Abeipa ta heta na heta a tah: “Kâza moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa a chhi ei ta, Edômâ lâ sei ta ama hlâpa vâta.

AMÔSÂ 6:2

Kalne lâ sie u la, moh tua u, Cha tawhna chata Hâmathi laipa lâ sie u la, Philistinâ râh liata Kâthâ lâta zu tua u. Cha râhzy hlâta nama pha via ma? Nâmo râh hlâta âmo râh a lai via ma?

RYHPACHANEINA 28:27

Abeipa ta Izi kheihluhzy, byuhpa hrizy, riatha nata pathapa hrizy ta cha hrie aw ei ta, tlâh thei aw veih ei chi.

RYUREITUHPAZY 1:18

Zudâh pathlazy ta Kâza, Askelaw nata Ekarôna khihpizy cha ama râhzy chhaota la ei ta.

RYUREITUHPAZY 14:19

Abeipa Thlahpa cha a chô liata thlai vaw tlô ta, Askelaw lâ zu ta, chyhsa sythôh thie ta, âmo cha hrao ta, phôh zuapa a chhopasia theipazy hnohta apatlyna chysiazy cha pie ta, hiehâh ngaitana chôta a paw o lâ a lie ta.

RYUREITUHPAZY 16:1

Sâsawna cha Kâza lâ sie ta, cha liata âzuahnô hmô ta, a hnohta a ngia ta.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.

1 SAMUELA 5:1

Philistinâ mo ta Khazohpa Byh cha patu ei ta, Ebeneza tawhta Asadô khihpi lâ siekhei ei ta.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.

1 SAMUELA 5:8

Chyhsa tuah ei ta, Philistinâ bei zydua aw pakhy ei ta, ama hnohta, “Izarei Khazohpa Byh he kheihta ma eima tao aw?” tah ei ta. Âmo ta, “Izarei Khazohpa Byh he Kâthâ khihpi lâ siekheipa châ mawh sy,” tah ei ta. Chatanachata Izarei Khazohpa Byh cha Kâthâ khihpi lâ siekhei ei ta.

1 SAMUELA 6:4

Philistinâ mo ta, “Thaileichâna atheihna châta khâpa ma eima hlâ palie aw?” tah ei ta. Theihthaipazy nata pachaothaipazy ta, “Potlana hri miakha ta nama zydua chô liata nata nama beizy chô liata â lyupa ta a cha tla thlu ei. Chavâta Philistinâ bei papangawh vyuhpa ta ngôh kheihluh nothlahpa miapangawh nata ngôh siahloh nothlahpa miapangawh nama hlâ awpa a châ.