1 SAMUELA 6:14 - Mara Bible RV (BSI)

¹⁴ Talailih cha Beseme khihpa Zawsua lyu liata a ngia ta, lôpanô lai ngaitapa yna liata a duah ta. Talailih tho cha patlaw ei ta, viahchao panôzy cha raopa hlâna ta Abeipa lâ hlâ ei ta.

1 SAMUELA 6:14 ပူးပေါင်းရင်းမြစ်များ

2 SAMUELA 24:18

Cha noh ta Kâdâ cha Dâvi lâ vawh ta, a hnohta, “Khy la, Zebu chyhsa Araunâ sawhri liata Abeipa châta maisâh kaw padua teh,” tah ta.

2 SAMUELA 24:22

Araunâ ta Dâvi hnohta, “Ei zibeipa abei ta pha a tahpa cha la sala hlâ mawh sy. Moh teh, raopa hlâna châta viahchao tôhpazy y ta, tho châta sawhri chhaichhizy nata viahchao raopakyzy a y.

2 SAMUELA 24:25

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Chatanachata râh châta thlahchhâna cha Abeipa chyh-ei ta, potlana cha Izarei râh tawhta pai ha ta.

1 ABEIZY 19:21

Elaisâh cha Elaizâh a pazipa tawhta kua ta, viahchao tôhpa bao kha la ta, atheihna ta hlâ ta. A sazy cha viahchao raopaky thozy ta pasyuh ta, chyhsazy pie ta, nie ei ta. Chatawhcha thyu ta, Elaizâh cha a chadai ta, chakao ha ta.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

RYUREITUHPAZY 21:4

A mylâ ta Izarei phopi cha mydi ta thyu ei ta, cha liata maisâh tao ei ta, raopa hlânazy nata aryhna hlânazy hlâ ei ta.

RYUREITUHPAZY 6:26

he thokhy chô liana heta Abeipa na Khazohpa châta alô ta a pha kawpa ta paryhpa maisâh tao mah y. Chatawhcha viahchao tôhpa pô nona kha la la, Aseri tôh na thlupa tho hmâpa ta raopa hlâna ta hlâ mah y,” tah ta.

1 SAMUELA 11:5

Cha nota, moh tua u, Sawla cha viahchao vaw haoh laihpa ta lyu tawhta vaw tlô ta, ama hnohta, “Khâpa hmo pha leipa ma zawpizy he amâ tyh tly? Khazia ma ama cha ngâ kaw tly?” tah ta. Zabe mo bie reipa cha chho ei ta.

1 SAMUELA 20:29

‘Bâh na pasiesa teh, eima chhôhkha ta khihpi liata atheihna hlâna hnei aw ei ta, cha liata y hra awpa ta ei uhta ta bie eina vaw pie. Chavâta eina ngiachhie thei chi khiahta cha, rie na pasiesa la, ei unawhzy cha ei kei hmô aw ei,’ tahpa ta eina chho. Cha vâna chata bei tlâhkhai lâ he â vy leipa a châ,” tah ta.

1 SAMUELA 6:13

Beseme khih mo cha saikao liata sâh vaw hria ngâ kaw ei ta. A kaw heih ei ta, Byh cha hmô ei ta, byh ama hmôpa cha a ly ngaita ei ta.

1 SAMUELA 6:18

Philistinâ bei pangawhzy ry liata khih a ypa zydua vyuhpa ta, thokhy hneipa khihpizy nata thokhy hnei leipa khitawzy rei khaipa ta, ngôh siahloh nothlahpazy chhao thaileichâna atheihna châta Abeipa lâ hlâpa a châ hra. Abeipa Byh ama patyuna lôpanô cha pahnokheituhpa châta Beseme khihpa Zawsua lyu liata tanoh taihta a y thlâh haw.