1 SAMUELA 5:9 - Mara Bible RV (BSI)

⁹ Khihpi ama tlôkhei nahta, Abeipa ta khihpi chô liata a ku pathla ta, khihpi cha thata a tymâ ta, khihpi chyhsazy cha a lai a chyh ta hrie ta, ama keihkhaohzy lâ taihta kheihluh pathlasa ta.

1 SAMUELA 5:9 ပူးပေါင်းရင်းမြစ်များ

HLAZY 78:66

A khakhaipazy hnôh pasysa ta, Chhâzaw ta nozapa ta a tao ha ei.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

RYHPACHANEINA 2:15

Riehmo tawhta a pahleipadia khai hlâlei ei cha, Abeipa ku ta âmo cha â dyuh lymâ ei.

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.

1 SAMUELA 5:11

Chavâta chyhsa tuah ei ta, Philistinâ bei zydua awpakhy ei ta, ama hnohta, “Izarei Khazohpa Byh he pasiesa syulyu ha teh u. Keimo nata eima phopi he miah a thie khao lei nawpa ta, a yna su dopa lâ kua heih mawh sy,” tah ei ta. Khihpi chhôh zydua liata chhiena rarôh ypa tlô ta, Khazohpa ta khihpi chô liata ku a pathlapa cha a hri ngaita ta.

1 SAMUELA 5:6

Abeipa ku ta Asadô chyh­sazy cha vi ta, âmo cha pahleipadia ta, Asadô nata a chheipâh khihzy cha kheihluh ta hrie ta.

1 SAMUELA 6:11

Ngôh siahloh nothlahpa nata kheihluh nothlahpa khôna thobyh chhaota Abeipa Byh cha talailih chô liata khaih ei ta.

1 SAMUELA 7:13

Chatanachata Philistinâ mo cha pahniepa ta y ha ei ta, Izarei râh siehnao heih khao veih ei. Samuela hro chhôh zydua cha, Abeipa ku ta Philistinâ mo cha â dyuh lymâ.