1 SAMUELA 5:3 - Mara Bible RV (BSI)

³ A mylâ mydi kari ta Asadô chyhsazy cha thyu ei ta, Dakao cha Abeipa Byh hmiakô liata â khu lâta vaw pao thlâh ha ta. Dakao cha la ei ta, a yna su liata soh heih ei ta.

1 SAMUELA 5:3 ပူးပေါင်းရင်းမြစ်များ

1 ABEIZY 18:26

Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.

HLAZY 115:7

Kuzy hnei ei ta, Hria thai veih ei; Pheizy hnei ei ta, Sie thai veih ei; Ama rao tawhta ao pua thei hra vei.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 40:20

Dyhchhie tupa vâta hmo hlâ awpa a hnei leipa chyhsa ta Tho phapa a tlyh ta, Khazoh nothlahpa a piepâ thai leipa pataosa awpa ta, Zôthaipa a tluapa nata ma nama pakho aw?

ISAI 41:7

Zôthaipa ta ngôh daihtuhpa pasyu ta, Syulô ta pamihtuhpa ta Syuphaw lô liata a daihtuhpa a pasyu; A baipâna kyh liata, “A pha kaw,” tah ta, Â chalyu lei nawpa ta, Thuakhaizy ta ama khaipâ.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

MÂKA 3:11

Thlahpa chhiepazy ta Zisu ama hmô nahta, a hmiakô liata pao ei ta, “Khazohpa Sawchapawpa na châ,” tahpa ta awh ei ta.

1 SAMUELA 6:1

Abeipa Byh cha Philistinâ râh liata thla sari y ta.

1 SAMUELA 6:5

Nama kheihluh nothlahpazy nata nama râh a paraotuhpa siahloh nothlahpa zy tao u la, Izarei Khazohpa cha palyupalih teh u. Cha hawhta nama tao khiahta cha, nâmo chô liata nata nama khazohzy nata nama râh chô liata a ku a pahua thei ngyu aw.