1 SAMUELA 4:4 - Mara Bible RV (BSI)

⁴ Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.

1 SAMUELA 4:4 ပူးပေါင်းရင်းမြစ်များ

2 SAMUELA 15:24

Abiathâ chhao sie hra ta, Zadô nata Livai chi zydua chhao Khazohpa Biehrai Byh a sypa ta sie hra ei ta. Khazohpa Byh cha pachhô ei ta, zawpi zydua ta khihpi ama puasai khaina taihta hâ ei ta.

2 SAMUELA 6:2

Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 80:2

Epharai nata Benzami nata Manase hmiakô liata, Na thatlôna pathyu la, Miah pachha awpa ta a vy mah y!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

MALAKHAI 1:9

“Miah a ngiachhie thei nawpa ta, tahmâ Abeipa khokheina hiah teh u. Kha hawhpa hmohlâpazy nama ku tawhta nama hlâ chhôh zydua cha, a châ pyh thei nah ei ta nama pangiasa ma?” Pheisaihzy Abeipa ta a tah.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:5

“Riehmo a pasie awpa a châna maihta Arawna nata a sawchapawzy a ngia aw ei ta, pohraipa pathla aw ei ta, cha chata Biehrai Byh ama khu aw.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

1 SAMUELA 1:24

Sâhpi a pathleih nahta, viahchao tôhpa kô thôhpa nata viahdie kachu hmo kha nata kresawhti ôh kha cheipa ta, hawtipa cha Silô liata Abeipa o lâ khykhei ta. Hawtipa cha hawti kaw chy ta.

1 SAMUELA 14:3

Ephaw a kypa Ahiza chhao ama hry liata a hlao hra ta. Ano he Ikhabaw unawhpa Ahitu sawchapawpa châ ta, Ikhabaw cha Phinehâ sawchapawpa châ ta, Phinehâ cha Silô khihpi liata Abeipa theihthaipa Eli sawchapawpa kha a châ. Zawnathâ a siepa cha zawpizy ta pahno veih ei.

1 SAMUELA 2:22

Eli cha machâ kaw bâ ta, Izarei zydua chô liata a sawchapawzy hmotaopa zydua nata ahmaohna poh o chhikao liata chakaotuhpa chanôzy amâ ziakhei tyhpa kyhzy thei tyh ta.