1 SAMUELA 4:3 - Mara Bible RV (BSI)

³ Izarei phopi cha riehmo ama tlô nahta, machâzy ta, “Khâpa vâta ma tanoh he Abeipa ta Philistinâ mo hmiakô liata miah a panawh ha tly i? Abeipa Biehrai Byh Silô lâ kei la ei sih la, he lâ vaw cheih ei suh u, chatanachata eima hnohta sie aw ta, eima chariahpazy ku tawhta miah a pachha aw,” tah ei ta.

1 SAMUELA 4:3 ပူးပေါင်းရင်းမြစ်များ

2 SAMUELA 15:25

Abei ta Zadô hnohta, “Khazohpa Byh kha khihpi chhôh lâ a sy pakhua teh u. Abeipa modypa ta ei y khiahta cha, nâ vaw chhi pakhua heih aw ta, Kha­zohpa Byh nata a pahrâna cha eina pahmôsa heih aw.

1 THÂTIHZYRONA 17:1

Dâvi cha a o liata a pahrâ tawhta, hrohsopa Nâthâ hnohta, “Moh tua, kei sidy tho o liata y na ta, Abeipa Bieh­rai Byh hmâchhâh poh o ry liata a y thlâh haw,” tah ta.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 74:11

Khazia na ku nâ dao ha tly, Khazia na ku chachâh lâ nâ dao ha tly? Na chysia byh tawhta na ku phia la, Âmo cha pahleipadia ha mah y.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ZEREMIAH 3:16

Cha nohzy liata, chi hluhpi pathlapa ta, râh liata maluh thata nama pôh tita, Izarei sawzy ta Abeipa Biehrai Byh kyh reih khao aw veih ei. Ama palôh liata a ngia khao leipa aw ta, nâ thei khao hra aw veih ei. Ngiabâh khao leipa aw ei ta, tao khao hra aw veih ei,” Abeipa ta a tah.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.

MALUHREINA 31:6

Mawsi ta âmo cha adyuhna lâ pasiesa ta, chi to hry tawhta sâh kha chyu pua ei ta, theihthaipa Eliaza sawchapawpa Phinehâ chhao, hmobaoh pathaihpazy nata biepie nawpa ta chiahmiezy chabapa ta adyuhna lâ sie hra ta.

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

RYHPACHANEINA 31:26

“Ryhpa châbu he la u la, nama paraona pahnokheituhpa châta Abeipa nama Khazohpa Biehrai Byh kâ lâta soh teh u.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.

ZAWSUA 6:6

Nunâ sawchapawpa Zawsua ta theihthaipazy aw ta, ama hnohta, “Biehrai Byh he a sy u la, theihthaipa pasari ta Abeipa Byh hmia lâta mietaku tôhpa ki chiahmie miasari chabapa ta ama sie aw,” tah ta.

ZAWSUA 7:7

Zawsua ta, “Hy Abeipa Zehôvâh, Amawri mo ku liata miah hlâ ta thie awpa ta ma, he phopi he Zawdâh miah na vaw chakakhei? Zawdâh haosâ liata pahrâ awpa ta palôh a vaw patlâh thlâh ha sih la a pha via awpa tlai.

ZAWSUA 7:8

Hy Abeipa, rei theipa khâpa ei hnei khao? Izarei cha a chariahpazy ta ama pahnie ha he zaw!

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.

1 SAMUELA 1:24

Sâhpi a pathleih nahta, viahchao tôhpa kô thôhpa nata viahdie kachu hmo kha nata kresawhti ôh kha cheipa ta, hawtipa cha Silô liata Abeipa o lâ khykhei ta. Hawtipa cha hawti kaw chy ta.

1 SAMUELA 14:18

Sawla ta Ahiza hnohta, “Khazohpa Byh kha he lâ vaw cheih teh u,” tah ta. Cha daihti liata cha, Khazohpa Byh Izarei sawzy hnohta a y daihti châ ta.

1 SAMUELA 4:2

Philistinâ mo cha Izarei a dyuh awpa ta a paziah ei ta, thata a dyuh ei ta. Philistinâ mo hmiakô liata Iza­rei cha panawhpa ta y ta, Philistinâ mo ta Izarei chyhsa sâh palih rachhôh adyuhna su liata ama thie haw.