1 SAMUELA 4:17 - Mara Bible RV (BSI)

¹⁷ Zikyu a vaw râpa ta a chhy ta, “Philistinâ mo hmiakô liata Izarei a râpai ha ta, zawpizy hry liata chyhsa hluhpi thiepa châ ei ta, na sawchapawpa pano, Hôphani nata Phinehâ chhao thi ei ta, Khazohpa Byh chhao Philistinâ mo ta ama la haw,” tah ta.

1 SAMUELA 4:17 ပူးပေါင်းရင်းမြစ်များ

HLAZY 78:61

A thatlôna cha sei châ awpa ta hlâ ta, A rônahna chhao a khakhaipa ku liata a hlâ haw.

HLAZY 78:64

Ama theihthaipazy zaozi ta pao ei ta, Ama nôhmeizy chaphôhtu khao veih ei.

1 SAMUELA 2:34

Na sawchapaw pano, Hôphani nata Phinehâ chô liata hmo vaw tlô aw ta, cha cha ei reipa maih a vaw tlô khai awpa a châzie nâma châta ngiana a châ aw. Ama pano ta noh kha ta ama thi aw.

1 SAMUELA 3:11

Abeipa ta Samuela hnohta, “Moh teh, Izarei liata hmo miakha tao aw na ta, a theipa maihta ama nah kârano ta a khai aw.

1 SAMUELA 3:12

Eli pathlazy kyh ei reipa zydua kha, cha noh liata âthaona tawhta achhâna taihta a chô liata ei patlôsa aw.

1 SAMUELA 4:16

Chyhsa chata Eli hnohta, “Adyuhna su tawhta a vypa ei châ, adyuhna su tawhta tanoh a vaw râpa ei châ,” tah ta. Eli ta, “Ei sawchapawpa, khâpa nama lyu?” tah ta.

1 SAMUELA 4:18

Cha chyhsa ta Khazohpa Byh kyh a reipa nahta, Eli cha chhikao thaby liata dyuchhai tawhta â die lâta pao ta. Pawpipa châ ta, â hri ngaitapa vâta, a rao thlie ta, thi ha ta. Eli cha Izarei chô liata kô sypalih ryureih ta.