1 SAMUELA 4:10 - Mara Bible RV (BSI)

¹⁰ Philistinâ mo ta a vaw dyuh ei ta, Izarei cha pahniepa ta y ha ta, ama poh o chyu lâta a râ ei ta. Izarei mo cha thata thie ei ta, Izarei alei pheisaih 30,000 tlai thiepa ama châ.

1 SAMUELA 4:10 ပူးပေါင်းရင်းမြစ်များ

2 SAMUELA 18:17

Absalaw ri cha la ei ta, râhmâhpa liata khaohtlô a thu ngaitapa liata thy ei ta, a chô liata alô hluhpi pacho thlu ei ta. Izarei zydua cha ama poh o chyu lâta a râ ha ei ta.

2 SAMUELA 18:7

Cha liata Dâvi chyhsazy hmiakô liata Izarei chyhsazy cha pahniepa ta y ha ei ta. Cha noh ta, cha liata chyhsa hluhpi thi ei ta, thy no dua thiepa ama châ.

2 SAMUELA 19:8

Chatawhcha abei cha thyu ta, thokhy chhikao liata a kei tyuh ta. “Moh teh u, thokhy chhikao liata abei â tyuh huh,” tahpa ta zawpi zydua cha chho ei ta. Zawpi zydua abei hmiakô lâ a vy ei ta. Izarei sawzy deikua cha ama poh o chyu lâta a râ ha ei ta.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

1 ABEIZY 22:36

Noh tla chy ta pheisaihzy lâta, “Chyhsa to âmo khih chyu lâta sie ei sala, chyhsa to âmo râh chyu lâta sie mawh ei sy!” tahpa ta awh ei ta.

2 ABEIZY 14:12

Zudâh cha Izarei ta pahnie ha ta, chyhsa to ama o chyu lâta a râ ha ei ta.

2 THÂTIHZYRONA 13:17

Abizah nata a pheisaihzy ta Izarei maw lâ pheisaihzy cha thata thie ei ta, Izarei pheisaih atlyhpatluapa 500,000 thiepa ama châ.

2 THÂTIHZYRONA 25:22

Zudâh cha Izarei ta pahnie ha ta, chyhsa to ama o chyu lâta a râ ha ei ta.

HLAZY 78:9

Epharai mo cha libaw a chaba ei ta, Châhrasala adyuhna noh liata hnôh amâ sy haw.

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

1 SAMUELA 3:11

Abeipa ta Samuela hnohta, “Moh teh, Izarei liata hmo miakha tao aw na ta, a theipa maihta ama nah kârano ta a khai aw.

1 SAMUELA 4:2

Philistinâ mo cha Izarei a dyuh awpa ta a paziah ei ta, thata a dyuh ei ta. Philistinâ mo hmiakô liata Iza­rei cha panawhpa ta y ta, Philistinâ mo ta Izarei chyhsa sâh palih rachhôh adyuhna su liata ama thie haw.