1 SAMUELA 31:8 - Mara Bible RV (BSI)

⁸ A mylâ ta Philistinâ mo cha ama chariah thiepazy chysia pahluh awpa ta vawh ei ta. Sawla nata a sawchapawpa pathôhzy cha athipa ta Kibô Tlâh liata kei hmô ei ta.

1 SAMUELA 31:8 ပူးပေါင်းရင်းမြစ်များ

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

2 SAMUELA 1:21

“Nâmo Kibô tlâhpizy saih u, Nama tlâhzy liata pasaipha vyhphao papuapaleipa châ ta, Sawla vyhphao sathaw thupa a châ khao leipa vâta; Nama chô liata diati tla leipa sala, Vâsua tla hra leipa sala, Lyu ta kôvei papua khao khah sy!

1 THÂTIHZYRONA 10:8

A mylâ ta, Philistinâ mo cha ama chariah thiepazy chysia pahluh awpa ta vawh ei ta, Kibô Tlâh liata Sawla nata a sawchapawzy ri a zawh thlâh hapa kei hmô ei ta.

2 THÂTIHZYRONA 20:25

Zehôsaphâ nata a pheisaihzy cha hraona sôh la awpa ta vawh ei ta. Chhaichhizy, chysiazy nata hmo sôhpa hluhpi athihpa rizy hry liata hmô ei ta, ama phao thei leina taihta la ei ta. Hraona sôh a hluh ngaitapa vâta, noh thôh chhôh tlai ama paly.

1 SAMUELA 28:4

Philistinâ mo cha a pahmaohpakhy ei ta, a vy ei ta, Sune liata riehmo paryh ei ta. Sawla ta Izarei mo zydua awpakhy ta, Kibô liata riehmo paryh hra ei ta.

1 SAMUELA 31:7

Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.

1 SAMUELA 31:9

Sawla cha a luh tai ei ta, a chariah chhaichhizy pahluh ei ta, ama nothlahpa achhyna ozy liata nata zawpizy hnohta a thâtih phuah awpa ta, Philistinâ râh zydua liata zikyu parâsa ei ta.