1 SAMUELA 31:7 - Mara Bible RV (BSI)

⁷ Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.

1 SAMUELA 31:7 ပူးပေါင်းရင်းမြစ်များ

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.

1 SAMUELA 13:7

Hebrai mo thokhazy cha Zawdâh chakapa ta Kâdâ nata Kilia râhzy lâ a râ ei ta. Sawla deikua cha Kilkal liata y thlâh ha ta, a hnohta a ypa pheisaih zydua cha chipa ta a chalyu ei ta.

1 SAMUELA 31:6

Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.

1 SAMUELA 31:8

A mylâ ta Philistinâ mo cha ama chariah thiepazy chysia pahluh awpa ta vawh ei ta. Sawla nata a sawchapawpa pathôhzy cha athipa ta Kibô Tlâh liata kei hmô ei ta.