1 SAMUELA 31:6 - Mara Bible RV (BSI)

⁶ Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.

1 SAMUELA 31:6 ပူးပေါင်းရင်းမြစ်များ

2 SAMUELA 1:1

Sawla a thi tawhta, Dâvi cha Amale mo a dyuh ta. Adyuhna lâ tawhta â vaw lie nahta, Zikalâ liata noh no a pahâ ta.

2 SAMUELA 1:12

Sawla nata a sawchapawpa Zawnathâ nata Abeipa phopi nata Izarei pathlazy zaozi ta ama pao hapa vâta, Dâvi nata a pheisaihzy cha âmo châta mâchhiesapa ta chakhei ei ta, zâlâ taih kâhvileipa ta y ei ta.

1 THÂTIHZYRONA 10:6

Cha hawhna chata Sawla nata a sawchapaw pathôhzy cha thi ei ta, ama chhôhkha duata â raohpa ta ama thi khai haw.

RYUREITUHPAZY 9:54

A chariah chhaichhi chabatuhpa satliapa aw para ta, a hnohta, “Na zaozi kha phia la na vaw thie teh, chyhsa ta, ‘Chanô ta na a thie,’ eina tah pathlei aw ei na,” tah ta. Satliapa ta Abimele cha zaozi a puapahliena taihta vieh ta, thi ha ta.

1 SAMUELA 11:15

Izarei phopi zydua cha Kilkal lâ sie ei ta, Kilkal liana chata Sawla cha Abeipa hmiakô liata bei ta tao ei ta. Cha liata Abeipa hmiakô ta aryhna hlâna atheihnazy hlâ ei ta, Sawla nata Izarei chyhsa zydua cha a ly ngaitapa ta y ei ta.

1 SAMUELA 12:17

Tanoh he sâh hria noh châ vei ma? Tôkalôhpa pathuasa awpa nata avâ pasuasa awpa ta, Abeipa ei awsao aw. Chatanachata bei nama hiana kyh liata Abeipa mohmô ta hmo nama paraopa he a rarôh yzie pahno aw ei chi ta, nama hmô aw,” tah ta.

1 SAMUELA 12:25

Molei ngaitapa ta hmo nama tao ngâ thlâh ha khiahta deikua cha, nâmo chhao, nama bei chhao, pahleipadiapa nama châ aw,” tah ta.

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.

1 SAMUELA 28:19

Cha dei châ vei, Izarei chhao, nâma chhao, Abeipa ta Philistinâ mo ku liata a cha hlâ aw ei. Mylâ cha nâma nata na sawchapawzy ei hnohta nama y ha aw. Izarei pheisaihzy chhao Abeipa ta Philistinâ mo ku liata a pie aw,” tah ta.

1 SAMUELA 31:5

A chariah chhaichhi chabatuhpa ta Sawla a thipa a hmô nahta, ano chhao ta a zaozi pao thlupa ta, Sawla hnohta thi ha hra ta.

1 SAMUELA 31:7

Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.