1 SAMUELA 31:5 - Mara Bible RV (BSI)

⁵ A chariah chhaichhi chabatuhpa ta Sawla a thipa a hmô nahta, ano chhao ta a zaozi pao thlupa ta, Sawla hnohta thi ha hra ta.

1 SAMUELA 31:5 ပူးပေါင်းရင်းမြစ်များ

1 ABEIZY 16:18

Zimri ta khihpi cha ama la haw tahpa a thei nahta, abei o diahsua chhôh lâ a ngia ta, abei o chhôh liata anosasyh ta mei ta a rao pâ ta, a thi haw.

1 THÂTIHZYRONA 10:5

A chariah chhaichhi chabatuhpa ta Sawla cha a thi haw tahpa a hmô nahta, ano chhao a zaozi a zaw thlu ta, thi ha hra ta.

RYUREITUHPAZY 9:54

A chariah chhaichhi chabatuhpa satliapa aw para ta, a hnohta, “Na zaozi kha phia la na vaw thie teh, chyhsa ta, ‘Chanô ta na a thie,’ eina tah pathlei aw ei na,” tah ta. Satliapa ta Abimele cha zaozi a puapahliena taihta vieh ta, thi ha ta.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.

1 SAMUELA 31:6

Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.