1 SAMUELA 31:3 - Mara Bible RV (BSI)

³ Adyuhna cha ru ngaita ta, Sawla cha thata chadie ei ta, likathaipazy ta Sawla cha hmô ei ta, hmah thata paphao ei ta.

1 SAMUELA 31:3 ပူးပေါင်းရင်းမြစ်များ

ÂTHAONA 49:23

Libaw kathaipazy ta thata a dyuh ei ta, Ano cha ka ei ta thata amâ hao.

2 SAMUELA 1:4

Dâvi ta a hnohta, “Kheihta ma hmo yzie a châ? Na chho teh,” tah ta. Ano ta, “Adyuhna tawhta pheisaihzy a râpai ei ta, pheisaih hluhpi pao ei ta ama thi. Sawla nata a sawchapawpa Zawnathâ chhao ama thi ha hra,” tah ta.

2 SAMUELA 1:6

A chhotuhpa satlia ta, “Kheihtazie ta tlyma Kibô Tlâh liata vaw y na ta, Sawla cha asei a hniehpa ta a duah thlâh ha ta, talailihzy nata arâ pheisaihzy ta ano cha a vaw hnia via ngâ kaw ei ta.

2 SAMUELA 21:12

Dâvi cha sie ta, Sawla ruzy nata a sawchapawpa Zawnathâ ruzy cha Zabekilia lâ za la ta. Philistinâ mo ta Kibô liata Sawla ama thie noh ta, Sawla nata Zawnathâ cha Besâ bypi liata bangieh ei ta, cha tawhtapa cha Zabekilia mo ta arulâta ama ri ama vaw lapa kha a châ.

1 ABEIZY 22:34

Châhrasala chyhsa pakha ta â chhuahpa vâta châ leipa ta, a libaw a kei ta a ka chakhyhna liata, Izarei bei cha a chariah chhaichhi nata a chachôhna vyhphao likawh liata kei ka ta. Izarei bei ta a talailih haohtuhpa hnohta, “A lie la, adyuhna tawhna heta na puakhei teh, hmah ei phaoh haw,” tah ta.

AMÔSÂ 2:14

A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.