1 SAMUELA 31:10 - Mara Bible RV (BSI)

¹⁰ A chariah chhaichhizy cha Astarô o liata soh ei ta, a ri deikua cha Besâ thokhy liata chahry pâ ei ta.

1 SAMUELA 31:10 ပူးပေါင်းရင်းမြစ်များ

ZAWSUA 17:11

Iskâra nata Asera râhzy liata chhao Manase ta khihpizy hnei ta, Besia nata a khichapeihzy, Ibalia nata a khichapeihzy, Dôrâ khihsawzy nata a khichapeihzy, Enadô khihsawzy nata a khichapeihzy, Tânâ khihsawzy nata a khichapeihzy nata Mekidô khihsawzy nata a khichapeihzy cha Manase khihpizy châ ei ta, bia thôh a ô.

RYUREITUHPAZY 1:27

Manase pathlazy ta Besia nata a khichapeih liata pahrâpazy, Tânâ nata a khichapeih liata pahrâpazy, Dôrâ nata a khichapeih liata pahrâpazy, Ibalia nata a khichapeih liata pahrâpazy, Mekidô nata a khichapeih liata pahrâpazy papua leipa ei ta. Kâna mo ta cha râh liata pahrâ awpa khâchâ amâ chhuah hapa vâta ama papua leipa a châ.

RYUREITUHPAZY 2:13

Abeipa a heihsaipa ta, Bâlâ nata Astarô khazohzy tlao ama chakao.

1 SAMUELA 21:9

Theihthaipa ta, “Philistinâ chyhsa Kôliathâ, Elâ saikao liata na thiepa, kha chyhsa zaozi kha, moh teh, poh ta pahlypa ta, ephaw yna khôta liana hao ta a y thlâh ha. Nâ la khoh khiahta cha, a kei la teh. Cha leipa cha a hropa y vei,” tah ta. Dâvi ta, “Cha hleikhô cha! Na vaw pie teh,” tah ta.

1 SAMUELA 31:12

pasaipha zydua thyu ei ta, azozâkhihdei ta sie ei ta, Besâ thokhy liata ama chahry pâpa Sawla ri nata a sawchapawzy ri cha la ei ta, Zabe vaw tlôkhei ei ta, cha liata rao ei ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.