1 SAMUELA 30:8 - Mara Bible RV (BSI)

⁸ Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.

1 SAMUELA 30:8 ပူးပေါင်းရင်းမြစ်များ

ÂTHAONA 14:16

Hmo zydua a liekhei khai ta, a unawhpa Lawta nata a hneipa zydua nata chanôzy nata chyhsa zydua â liekhei khai ha ei.

2 SAMUELA 5:19

Dâvi cha Abeipa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta Dâvi hnohta, “Khy mah y, Philistinâ mo cha na ku liata ei cha pie tlai aw,” tah ta.

2 SAMUELA 5:23

Dâvi ta Abeipa a saohiah ta, Abeipa ta, “Khy aw va chi, ama hnôh lâta chahlô la, malburi kô dady liata âmo a kei dyuh teh.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

PUASAINA 15:9

Chariahpa ta, ‘A chadai aw na ta, ei pha aw, Hraona sôh rai aw na ta, Âmo vâta lôhrâtlôpa ta ei y aw; Ei zaozi phia aw na ta, Ei ku ta âmo cha a pahleipadia aw,’ tah ta.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.

RYUREITUHPAZY 8:4

Kidia nata a hnohta chyhsa 300 a ypazy cha Zawdâh chaka ei ta, ama thachhâ kaw ta. Châhrasala ama chariahzy cha a chadai lymâ ei ta.

1 SAMUELA 10:22

Abeipa hiahri heih ei ta, “Chyhsa a vy awpa ama y khao ma?” tah ei ta. Abeipa ta, “Moh teh u, hmobaoh hry liata â nyu thlâh haw,” tah ta.

1 SAMUELA 14:37

Sawla ta, “Philistinâ mo cha ei zâ dyuh aw mâ? Âmo cha Izarei ku liata na pie aw mâ?” tahpa ta Khazohpa hiahri ta. Châhrasala cha noh liata Khazohpa ta a chhy leipa ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.

1 SAMUELA 30:18

Dâvi ta Amale mo lapa hmo zydua la pakhua khai ta, a lapinô panozy chhao a pachha ha ei.

1 SAMUELA 30:19

A lai a chyh, sawchanô sawchapaw, ama hraopa nata ama lapa hmo khâpa hmah a ki leipa y tlâ vei. A zydua ta Dâvi ta a la pakhua khai haw.